Varumi 5:11 - KITABU KITAKATIFU

¹¹ Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

Varumi 5:11 ပူးပေါင်းရင်းမြစ်များ

Zaburi 104:34

Leka muyaanzizi ni zing'anagani ziange, kigira lisaangala liange litulaa ku Yahova.

Zaburi 149:2

Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Zaburi 32:11

Munyi avaveeye avalungi, muyanze nukusangara, kigira aga Yahova amali kumukolera. Munyi avahulira Yahova, musangare ligali.

Zaburi 43:4

O, Nyasaye; maku ndanzia ku vwali vuvwo, O, Nyasaye; ivi oveeye uvutangiliru vwu vuyanzi vwange. Ndakuba uvukana vwange nukwimba zinyimbu ziukwizominya ivi, O, Yahova, Nyasaye wange.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Luka 1:46

Maria yavoola, “Mwoyo gwange gwizominyaa Mwami.

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

Varumi 2:17

Niiva wilangaa Muyuda, ivi weleedaa ku Lilaga, kandi wiyizominya kigira uvwiko vuvwo ku Nyasaye;

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

Varumi 5:3

Kunyi kandi kusangaliraa ikivi chietu, kigira kumanyi ndi ikivi keleetaa vwikuziri,

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

Varumi 9:10

Si gaali yaga geng'ine, kigira avana va Rabeka vaviri vaali na baba mulala naye ni Isaka, guuga wiitu.

1 Vakorintho 10:16

Ekekombe chakutumikiraa mu Lisavo liu Mwami, nicho kandi cha kuhaaniraa ku lizominya ku Nyasaye: Lwa kunwera mu kekombe yiki, kusangaa mu masahi ga Kristo. Umugadi gwa komegaa: lwa kugulizaa, kusangaa mu muviri gwa Kristo.

2 Vakorintho 8:19

Komeeda ku yago kandi, amali kotovolwa na makanisa kuzia harara ni kunyi lwa nakuhili kihanwa chu Vukristayo yiki. Kigira vukumi vwu Mwami, vuduuki kumanyikana ndi kwenyaa kokoonye.

Vagalatia 4:9

Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafilipi 3:1

Mulimala, avaamitu vange, musangare mu Mwami. Sivoveeye uvudinyu ku inzi ukwirana kumung'odera ivindu vilala viere, navuzwa vwakaveeye vulahi ku munyi, niiva inzi ngola ndio.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Vafilipi 4:4

Mu sangale mu Mwami kazozo. Mboraa kandi musangare!

Vakolosai 2:6

Kunangwa kuli mwa vugula Kristo Yeso kuva Mwami, muzizagiliri komenya ndio muye,

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!