Varumi 5:1 - KITABU KITAKATIFU

¹ Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

Varumi 5:1 ပူးပေါင်းရင်းမြစ်များ

Ayubu 21:21

Lwa livamwoyo liu mundu liheraa, ahenderaa avana veve vaalekaa inyima mwoyo?

Zaburi 122:6

Musaale Nyasaye aduuki kuhaana mirembe ku Jerusalemi, “Leka yavo vosi avayaanzaa ivi vagasizwe.

Isaya 27:5

Navuzwa niiva avasigu va vandu vange valeenya likingwa kutura ku inzi, leki valombe mirembe ninzi. Yee, leki valombe mirembe ninzi.”

Isaya 32:17

Kigira vuli mundu alakola agaveeye amalungi, mirembe ni likingwa vilavaho mihiga ni mihiga.

Isaya 54:13

“Inzi mwene ndigiza avandu vovo, kandi ndavaha limedeka lie miandu ni mu mirembe.

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Habakuk 2:4

Yaga nigo makuva zana: ‘Yavo avaveeye vadamanu, sivalakahononoke mba; navuzwa yavo avaveeye avalungi valakave mwoyo kigira vaveeye avasuuvirifu ku Nyasaye.’ ”

Zekaria 6:13

Niye ulakaliumbake kandi alakanyoole luyali luduukanaa mwami; kandi alakamiihi avandu veve. Musaalisi alakave kondeve yu vwami vwivwe, kandi valakakole miyinzi harara naye mu mirembe kandi mu lihambana.’

Luka 19:38

Vavoola, “Nyasaye agaasizi Mwami Munene uza mu lieta liu Mwami. Mirembe jive mwigulu, nu uvukumi vove mwigulu igulu ku Nyasaye!”

Luka 19:42

navoora, “Ndakayanzi ligali niiva munyi mwakamanyi ku lidiku linu vindu via mwenyeka muve navio, ku muve ni mirembe. Navuzwa kalunu vivisiywi kutura mu zimoni zienyu.

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

Varumi 1:7

Kunangwa ng'oderaa munyi vosi avamuveeye mu Rumi, ava Nyasaye yayanza kandi, navalanga vave vatakatifu veve. Zimbavasi ni mirembe kutura ku Nyasaye Baba wiitu, kandi ku Mwami Yeso Kristo zive ni munyi.

Varumi 10:10

Gaveeye kigira lisuuvira lietu kokolwa valungi na Nyasaye, kandi gaveeye kigira lieyama niminwa jietu, kwahonywa.

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 15:33

Nyasaye oveeye uvutangiliru vwi mirembe ave harara ni munyi mwosi! Amini.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 3:30

Nyasaye aveeye mulala, kandi alakola Avayuda kuva avalungi imbiri weve kolondekana ku lisuuvira liavo, na vandu vizihiiri kolondekana ku lisuuvira liavo kandi.

Varumi 4:5

Mundu utakola miyinzi, navuzwa usuviraa Nyasaye okolaa vachamu kuva valungi, Lisuuvira lilie livalizwa kuva lirungi.

Varumi 5:11

Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

Varumi 5:18

Kunangwa kuli lihiola liu mundu mulala lialeta likalagirwa ku vandu vosi, kandi ndio, ku kekolwa kilala chu vulungi chu mundu mulala kihaanaa livoholorwa lia vandu vosi harara ni livamwoyo.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Varumi 9:30

Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira;

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vagalatia 3:25

Kalunu ing'inga yi lisuuvira yaduuka, Lilaga siliveeye mulindi wiitu kandi mba.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafeso 2:7

Yakola ndio kunangwa aduuki kumanyia mu zing'inga ziosi izizaa, ovonene vwuvutugi vwi zimbavasi zizie muvuyaanzi vwa yamanyia kunyi kuvitira mu Kristo Yeso.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

Vakolosai 3:15

Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

2 Vatesalonike 3:16

Kalunu Mwami mwene oveeye uvutangiliru vwi mirembe amuhe mirembe zing'inga ziosi kandi munzira yoosi. Nyasaye amuhe mirembe.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.