Varumi 4:20 - KITABU KITAKATIFU

²⁰ Aburahamu si yahayahayiza lilagana lia Nyasaye kuvitira mu livula kusuuvira mba, navuzwa lisuuvira lilie liazizagilira kuva ni zinguru nu kukuminya Nyasaye.

Varumi 4:20 ပူးပေါင်းရင်းမြစ်များ

Litanga 15:6

Aburamu yasuuvira Yahova, na kigira yaga, Yahova yayanzizwa naye kandi yamuvugilira kuva mundu mulungi.

2 Avami 7:19

Munene oyo yaali nativuyi nu kovora, “Yago siganyala kwekoleka ku mba, kali niiva Yahova mwene yakatumi vuswage kuli imbura ku ing'inga ndala!” Kandi Elisha yaali nativuyi namuvooleye, “Ivi ulagalola ni gekolekaa, navuzwa siulalia ku chukulia yicho mba.”

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

Isaya 35:4

Muvoolere vuli mundu woosi utaveeye ni lilema mwoyo ndi, “Muve nizinguru kandi mutava avati mba! Nyasaye alaza kumusoola, kandi alahaana amageri ku vasigu vinyu.”

Isaya 7:9

Kivala cha Isiraeli sikeveeye ni zinguru kuvita Samaria, lidaala linene liacho mba, kandi Samaria siliveeye nizinguru kuvita mwami Peka mba. “Niiva ulavula kusuuvira, ulaguutwa.”

Danyeli 10:19

Yavoola, “Nyasaye yakuyaanza, ku lwayago utaleka kindu choosi kikuhendizi mwoyo anoho kikutiihizi mba.” Lwa yaali ni yakavoola yaga, ndanyoora nzingulu kandi ni mboraa, “Mwami wange, moloma na inzi kigira ombeeye zinguru.”

Danyeli 11:32

Mwami alakatumikiri vugadi kunyoola lidinyiriza kutura ku yavo avaleka idini yaavo, navuzwa yavo avaloonda Nyasaye, valakavalwaane.

Haggai 2:4

Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

Zekaria 8:9

“Muve nuvuluviliri! Kalunu muhulira makuva malala mere gavaporofeti vamoloma ing'inga yu muse gwi litembeli liange gwaali gwumbakwa vuhia.

Matayo 9:8

Lwi kiduma kenene cha avandu valora yaga, vagenya, nivatia ligali; ni vaakuminya Nyasaye uwahaana ku avandu zinguru kuli yizi.

Luka 1:18

Zakaria yateeva Engelosi, “Inzi ndamanya ndi amakuva yaga? Inzi mbeeye musakulu na mukali wange yakeera.”

Luka 1:45

Oveeye nuvugasu ivi uwa suuvira ndi, agu Mwami yakuvoolera galadukizwa!”

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

1 Samweli 30:6

Daudi yaali mu vudinyu vonene ligali kigira vandu veve vahulira vululu kigira vaali nivagotizi avana vaavo, kandi vatihiza nivenya kumulasa na magina; navuzwa Yahova Nyasaye weve yamuha uvuluviliri.