Varumi 4:17 - KITABU KITAKATIFU

¹⁷ Kuli Mang'oda Matakatifu gavoora, “Mali kokora ivi baba wi zihiiri zinyingi.” Lisuuvirizwa yili liveeye lilahi imbiri wa Nyasaye, wa Aburahamu yasuuvira muye, Nyasaye uhaanaa livamwoyo ku vakuzu, kandi ku malago geege aleetaa vitaveeye ho, kuva ho.

Varumi 4:17 ပူးပေါင်းရင်းမြစ်များ

Litanga 17:16

Inzi ndamugasiza, kandi ndamuha mwana muyaayi. Ndamugasiza kandi alava mama wi zihiiri zinyingi, kandi avami valakatuli mu visukululwi vivie.”

Litanga 17:20

Inzi mali kuhulira lienya liilio kigira Ishimaeli, kunangwa ndamugasiza kandi ndamuha avana vanyingi kandi visukululwi vinyingi. Alakave baba wa avami 12 kandi ndakakole visukululwi vivie kuva ihiiri enene.

Litanga 28:3

Nyasaye Wuvunyali ayaanze akugasizi kandi wivuli avana vanyingi, kunangwa uduuki kuva baba wi zihiiri zinyingi!

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 44:7

Mundu wundi woosi yakakoli aga inzi ndaakola? Nivwaha wakavuuyi goosi agazizaa kwekoleka kutura mu litanga kuduuka ku keheli ching'inga?

Isaya 48:13

Ndaalomba musingi gwi lirova, kandi ndaavambura ligulu. Lwa mbilangaa visingira viombi harara.

Isaya 49:12

Avandu vange valatura muvivala vie ihale, kutura Ivaale kandi Imadioli, kandi kutura Aswani lidaala linene liveeye Isavaalu wa Egebeti.”

Isaya 51:2

Heenzi ku Aburahamu baba winyu, kandi ku Sara uwamwivula; lwa yaali yeng'ine inzi ndaamulanga ni ndamugasiza ma nimuha avana. Ndakora visukululwi veve kuva vanyingi.”

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.

Yohana 5:25

Agiligali muvooleraa; ing'inga yiza, kandi imali kuduuka, lwa avakuzu valihulira mwoyo gwu Mwana wa Nyasaye, nayavo avalimuhulira, valakaduuki mu livamwoyo.

Yohana 6:63

Roho wa Nyasaye niyie uhaanaa livamwoyo, zinguru ziu mundu si zinyala kindu mba. Amakuva ga inzi mali kumuvolera nigo galetaa Roho wa Nyasaye galetaa Roho wa Nyasaye uhaanaa livamwoyo.

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

Varumi 3:29

Anoho, Nyasaye aveeye Nyasaye wa Vayuda venyine? Siaveeye Nyasaye wa Avizihiiri zindi kandi? Yee, aveeye wa avandu vi zihiiri zindi kandi.

Varumi 4:18

Aburahamu yasuuvira no kohenzerera, kali vugira kivuni kilahi cho kohenzerera, na ndio, yaduuka kuva, “Baba wi zihiiri zinyingi.” Kuli Mang'oda Matakatifu gavoora, “Visukululwi vivio vilava vinyingi kuli ndi!”

Varumi 4:2

Aburahamu naava niyakolwa kuva mululungi kigira uvugulu vwi miyinzi jije, aveeye ni kindu chu kwiyizominya ku. Navuzwa sianyala kwiyizominya imbiri wa Nyasaye mba!

Varumi 8:11

Niiva Roho wa Nyasaye, wasimugukiza Yeso Kristo kutura mu vakuzu, amenyaa mu munyi, hene yaho, uyu wasimugukiza Yeso Kristo kutura mu vakuzu alahaana livamwoyo mu miviri jinyu kuvitira mu Roho weve, omenya mu munyi.

Varumi 9:11

Kali niiva vaali nivakikiri kwivulwa kandi nivakikiri kokora vulahi anoho vudamanu vwulugano Iwosi, na kuduuka ovotovoli vwa Nyasaye vuzizagiliri, sigaveeye kigira imiyinzi ja makono gu mundu, navuzwa kigira ililangwa lilie.

Varumi 9:26

Havundu yaho aha vavolerwa, ‘Simuveeye avandu vange,’ ahene yaho valakalangirwi ho avana va Nyasaye oveeye mwoyo.”

1 Vakorintho 1:28

Nyasaye yatovola vindu vialegerizwa kandi viachaywa mu lirova aduuki kwononyia vindu via vandu vaganagana kuva vidukiru.

1 Vakorintho 15:45

Mang'oda Matakatifu gavoora, “Mundu wu kutanga, Adamu yalombwa kelombe chi livamwoyo.” Navuzwa Adamu wukumaliriza aveeye Roho uhaanaa livamwoyo litahera.

Vahebraina 11:12

Kali niiva Aburahamu yaali niyakuza, kutura ku mundu mulala uyu, vianyooleka visukululwi vinyingi kuli zing'ereng'ani mwigulu, kuli muyeke gutanyala kuvalizwa ku lujinga lwinyanza.

Vahebraina 11:3

Kigira lisuuvira, kumanyirizaa ndi ligulu lialombwa ku likuva lia Nyasaye, kunangwa, linyala kololeka lialombwa kutura ku vitalolekaa.

Vahebraina 11:7

Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

1 Petro 2:10

Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.

2 Petro 3:8

Navuzwa avalina avayaanze, mutivilira ikindu kilala yiki! Mu zimoni ziu Mwami, lidiku lilala liveeye kuli mihiga elefu, kandi mihiga elefu jiveeye kuli lidiku lilala.