Varumi 4:11 - KITABU KITAKATIFU

¹¹ Aburahamu yakevwa inyima, na likevwa yilio liali kelolero chamanyia ndi Nyasaye yamuvugilira kuva mulungi kigira lisuuvira lilie lia yaali nalio nakikiri kokevwa. Kulwayago, Aburahamu yaduuka kuva baba wa vosi avasuuviraa Nyasaye, kandi avavugilirwa naye kuva valungi, kali niiva sivakevwa mba.

Varumi 4:11 ပူးပေါင်းရင်းမြစ်များ

Litanga 17:24

Aburahamu yaali ni mihiga 99 lwa yakevwa,

Zaburi 47:9

Avamihi vi zihiiri vavuganaa harara na viiyunga harara na avandu va Nyasaye wa Aburahamu. Zinguru ziosi zielirova ziveeye zia Nyasaye; na akuminywa ligali.

Kutwula 12:13

Amasahi galiva kumaliva giviliango galakave kelolero chukumanyia zinyumba zia munyi mumenyi mu. Ulwandola amasahi, ndavita kumunyi vugira kumusaliriza ulwaamba nindivizaa vandu va Egebeti:

Kutwula 31:13

avolere avandu va Isiraeli ndi, “Mulindi lisabato, lidiku liange liokososa, kigira liveeye kelolero hagati hange ni munyi, ku zing'inga ziosi ziza, ukumanyia ndi, Inzi Yahova, mali kumukola muve avandu vange.

Kutwula 31:17

Liveeye lilolekiza liokuhindira hagati hange na avandu va Isiraeli, kigira Inzi, Yahova, ndaalomba ligulu ni lirova mu madiku sita, na lidiku lia saba ndaaleka kokora miyinzi nesosa.”

Ezekieli 20:12

Kandi ndaavaha lidiku liange lie Lisabato live kuli kelolero hagati haavo ninzi; kunangwa vaduuki kwizuliza ndi Inzi Yahova, ndaavakora kuva avatakatifu.

Ezekieli 20:20

Mukore lidiku lie Lisabato kuva Litakatifu, kunangwa liduuki kuva kelolero cha lilagana lia ndaalomba nimunyi, kandi galamwizuliza ndi, Inzi mbeeye Yahova Nyasaye winyu.

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Matayo 8:11

Na muvooleraa, avandu vanyingi valaza kutura Ivugwi ni madioli, kandi valikala mu lilia harara na Aburahamu, Isaka na Yakobo mu Vwami vwu mwigulu.

Luka 19:9

Yeso yamuvolera kandi, “Lidiku linu, ovohonyi vumali kuduuka kunyumba yiyi, kigira uyu aveeye kisukururwi wa Aburahamu.

Yohana 3:33

Navuzwa mundu woosi uvugilira lilolekiza lilie umali kuviika muhuri gwi livugilira lilie ku yaga ndi, Nyasaye aveeye wiligali.

Yohana 3:36

Uyu usuviraa Mwana wa Nyasaye, aveeye ni livamwoyo litahera mba. Navuzwa uyu utatiza Mwana wa Nyasaye, sialilola livamwoyo kigira amaduywa ga Nyasaye galamenya kuye.

Yohana 6:35

Yeso yavavolera, “Inzi niye mugadi gwi livamwoyo. Uyu uza ku inzi sialiva ninzara mba. Uyu usuviraa inzi sialiva nu vuluhu mba.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Yohana 6:47

Muvooleraa agiligali, uyu usuviraa, aveeye ni livamwoyo litahera mba.

Yohana 8:33

Navo vativura, “Kunyi koveeye visukululwi via Aburahamu, kandi kunyi kukiri kuva avatugwa vu mundu woosi mba. Gaveeye ndi ivi ovola, ‘Mulava no vovoholore?’ ”

Varumi 10:11

Mang'oda Matakatifu gavoora, “Ku vosi umusuuvira sialiduuka mu zisoni mba.”

Varumi 10:4

Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.

Varumi 10:6

Navuzwa ku makuva ga Mang'oda Matakatifu ku likolwa valungi na Nyasaye kuvitira mu lisuuvira, ni yaga: “Oteteeva mu mwoyo gugwo, ‘ Ivwaha ulianigira kuduuka mwigulu?’ Agaveeye kovora, koleta Kristo yaaze hasi.”

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 3:26

Gaali kololekiza ku ing'inga ya lero ndi, Nyasaye mwene aveeye mulungi, kandi akolaa uyu oveeye ni lisuuvira mu Yeso kuva mulungi.

Varumi 3:30

Nyasaye aveeye mulala, kandi alakola Avayuda kuva avalungi imbiri weve kolondekana ku lisuuvira liavo, na vandu vizihiiri kolondekana ku lisuuvira liavo kandi.

Varumi 4:10

Yaga gekoleka ing'inga ki? Geekoleka nakikiri mugasa, anoho namali kokevwa? Geekoleka lwa yaali na akikiri kokevwa. Sigali lwa yaali niyamala kokevwa mba.

Varumi 9:30

Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira;

Varumi 9:33

ilia Mang'oda Matakatifu gamolomaa kulio; “Henza, mbikaa ligina mu Ziyoni ililikola avandu valikigitale, ulwanda lulikola avandu vagwi. Navuzwa oyo usuviraa muye sialiva esoni mba!”

Varumi 9:6

Simbolaa ndi lisuuvirizwa lia Nyasaye liavula kuduukizwa mba; kigira sivaveeye vandu va Isiraeli vosi avaveeye avandu vatovole va Nyasaye mba.

2 Vakorintho 1:22

uyu niyie umali kuviika kimanyiru chiche ku kunyi kandi okoheeye Roho Mutakatifu kuli kihambiliru chi vindu viosi via yakuviikira.

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vagalatia 3:29

Niiva muveeye ava Kristo, ahene yaho muveeye visukululwi via Aburahamu kandi munyi mulanyola miandu ja Nyasaye yasuuviriza.

Vagalatia 3:7

Kunangwa, gamuduukira mumanyirizi ndi, visukululwi vie ligali via Aburahamu ni yava avandu avaveeye ni lisuuvira.

Vagalatia 5:5

Navuzwa, ku lisuuvira, kulindilira nu vuha kuvitira mu roho, vulungi vwi lisuuvirizwa.

Vagalatia 6:16

Mirembe, ni zimbavasi vive ku yavo vosi avagendaa mu lilago yili kandi ku avandu vosi va Nyasaye.

Vafeso 1:13

Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Vahebraina 11:7

Kigira lisuuvira, Nyasaye yiganihiza Nuhu kumakuva gi vindu viza kwekoleka via yaali sianyala kolola mba. Yahulira Nyasaye, ma nalomba liato aduuki kwehonyia harara na vandu vinyumba yeeye; kutura ku gene yago, avilirova vakalagirwa, na Nuhu yanyoora kutura ku Nyasaye uvulungi vuzaa kolondekana ni lisuuvira.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

Likunula 9:4

Ziavolerwa na Nyasaye ndi zitononyia uvulimu vwi lirova, anoho kindu choosi ekeveeye kivisi, anoho umusaala kali mulala; navuzwa ziononyie avandu vataveeye nu umuhuri gwa Nyasaye ku uvweni vwavo.