Varumi 3:9 - KITABU KITAKATIFU

⁹ Kunangwa kovoole ki'? Avayuda koveeye valahi kuvita vandu Avizihiiri? Awa, Sigaveeye ndio mba! Inzi mali kumanyia kutura mu litanga ndi Avayuda na vandu Avizihiiri, vosi harara vaveeye voni.

Varumi 3:9 ပူးပေါင်းရင်းမြစ်များ

Tsing'ano 20:9

Mundu anyala kumanya ligali zing'anagani zizie ziveeye zinungi, kandi yaatuliza vwoni vwivwe vwosi?

Isaya 65:5

Maku, vavoola ku vandi, ‘Mutisuunda ahimbi ni kunyi mba; kigira koveeye avatakatifu ligali kuvita munyi!’ Inzi sinyala kwikuzira ku avandu kuli yava mba. Uvutima vwange voveeye kuvo kuli umwochi mu muulu gange, kandi muliru gwakaa lidiku liosi.

Luka 7:39

Lwu Mufarisayo wamugenihiza yalora yaga, yaganagana mwene, navoora, “Niiva mundu uyu yakaveeye muporofeti, ngano yakamanyi mukali uyu nivwaha, umudiraa; yakamanyi ni liiva liu vwoni lia lugano ki liu mukali uyu amenyi mu!”

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 11:32

Nyasaye umali kokora avandu vosi vahambe vi livula kutia, kunangwa aduuki kuva nizimbavasi kuvo vosi.

Varumi 11:7

Kunangwa ni kindiki? Avandu va Isiraeli sivamanya nivanyoora cha venya mba. Na vandu vakekeeke vuzwa ava Nyasaye yatovola avakenyoola; avatigara vosi vamanya nivagwa zidimbidi ku lilangwa lia Nyasaye.

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Varumi 3:1

Muyuda aveeye na ki chavitilaa avandu vi zihiiri? Anoho, ilikevwa liveeye na vukala ki?

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Varumi 3:5

Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu.

Varumi 6:15

Kunangwa kovoole ki? Kokole uvwoni kigira si koveeye mu Lilaga, navuzwa mu zimbavasi zia Nyasaye? Sigaveeye ndio mba!

Varumi 7:14

Kumanyi ndi Lilaga liveeye lia Roho, navuzwa inzi mbeeye wi liiva lio muviri, wagerizwa kuli mutugwa ku vwoni.

1 Vakorintho 10:19

Maku nyara kuva nimbora ndi, kifananyi kinyala kuva Nyasaye wa giligali? Anoho chukulia kihanwa ku kifananyi kinyala kuva kisiuviriru cha giligali?

1 Vakorintho 14:15

Kunangwa ngoleki? Ndasaara na roho gwange, kandi ndasaara ni zing'anagani ziange; ndimba na Roho gwange, kandi nimba ni zing'anagani ziange.

1 Vakorintho 4:7

Nivwaha wakokora kuva munene kuvita vandi? Siaveeye Nyasaye wakuha ivindu yivi viosi? Na niiva ivi waahevwa, kigira ki wigingira kuli kitaveeye kihanwa cha Nyasaye yakuha?

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vafilipi 1:18

Sigaveeye kindu mba! Inzi mbeeye nu uvuyanzi kigira yaga niiva Kristo anyala kwilwazwa mu liiva liosi lienyekaa kali nigava gaturaa ku vugadi anoho ku vulungi. Ndazizagilira kandi kusangara,