Varumi 3:31 - KITABU KITAKATIFU

³¹ Kunangwa gaduukanaa kwononyie Lilaga kigira lisuuvira yili? Awa! Si gaveeye ndio kali hakuzu. Navuzwa kudinyirizaa Lilaga.

Varumi 3:31 ပူးပေါင်းရင်းမြစ်များ

Zaburi 119:126

O, Yahova, ing'inga iduuki ivi kokora kindu, kigira avandu vavunagi amalago googo.

Zaburi 40:8

O, Nyasaye wange, Inzi nyanza kokora uvulariri vuvwo. Mbikaa malago googo mu mwoyo gwange.

Isaya 42:21

Yahova aveeye Nyasaye uveeye nu vuha kohonyia, kunangwa malago geege gizominywe kandi amigizu geege, kandi yenya avandu veve vahane luyali kuye.

Matayo 15:6

uyu atahaana uluyali ku baba weve anoho mama weve, navio mba. Na ndio mwononyia Lilaga lia Nyasaye ku lilonda amigizu ginyu aveene.

Matayo 3:15

Navuzwa Yeso yamutivulira, “Leka gave ndio kalunu kigira ni vulahi kuduukizi uvulungi vwosi vwa Nyasaye yenya.” Hene yaho Yohana yaavugilira.

Matayo 5:17

“Mutaganagana ndaaza kutulizaho lilaga lia Musa, anoho amigizu ga vaporofeti. Si ndaaza kugatuliza ho, navuzwa kugaduukiza.

Matayo 5:20

Yiki nicho kigira nimuvoolera ndi, uvulungi vwinyu nivutavita uvwa vang'odi vi lilaga na Avafarisayo, simulakingiri mu Vwami vwu mwigulu mba.

Luka 20:16

“Alaza kandi aliita avalimi yava, nukuhaana kizabibu ku avalimi vandi.” Lwa avandu vahulira yaga, vavoola, “Yaga gatava ndio mba.”

Varumi 10:4

Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.

Varumi 2:20

wevoolera oveeye mwigizi wa vasiru, kandi umwigizi wa vandu vakikiri kuva vadukiru. Oveeye na giligali ndi mu Lilaga oveeye nilimanya liosi kandi agiligali goosi.

Varumi 3:4

Awa! Siganyalika mba. Kuduuka Nyasaye ave wiligali kazozo kali niiva avandu vosi vaveeye vavehi. Kuli Mang'oda Matakatifu gavoora, “Gakuduukiraa ove wagiligali lwa ovola makuva googo; gakuduukiraa uguuti kiyaalo lwa uyaalwa.”

Varumi 3:6

Si gaveeye ndio mba! Niiva, Nyasaye avula kuva umulungi, yaali unyala kuva ndi mukalagi wi lirova?

Varumi 4:14

Niiva icha Nyasaye asuuvirizaa kilahevwe yavo avatizaa Lilaga vuzwa, kunangwa lisuuvira liu mundu si liveeye kindu mba. Lisuuviriza lia Nyasaye liveeye liavuzwa.

Varumi 7:22

Sangaliraa Lilaga lia Nyasaye mugati musi mwu mwoyo gwange.

Varumi 7:25

Lisandiza liveeye ku Nyasaye, kuvitira mu Yeso Kristo Mwami wiitu! Kunangwa yili nilio liiva liange: Inzi nyara kutumikira Lilaga lia Nyasaye mu zing'anagani ziange, navuzwa mu liiva liu muviri gwange, ndumikiraa Lilaga liu vwoni.

Varumi 8:4

Nyasaye yakola yaga kunangwa uvulungi vwi Lilaga lienyaa vuduuki kuduukizwa mu kunyi avamenyaa kolondekana ni liiva lia Roho, kandi sigaveeye kolondekana ni liiva liu muviri mba.

1 Vakorintho 9:21

Munzira ndala nzere, lwa nyinziraa harara na vandu vizihiiri, menyaa kuli vandu vizihiiri, vugira kolonda Lilaga lia Vayuda. Ngolaa ndio kunangwa nduuki konyoora vandu vizihiiri vaze ku Kristo. Yaga sigamanyia ndi inzi menyaa ichova wi Lilaga lia Nyasaye mba; inzi nondaa ligali Lilaga lia Kristo.

Vagalatia 2:19

Kuvitira mu Lilaga inzi ndaakuza kigira Lilaga, kunangwa nduuki kuva mwoyo mu Nyasaye.

Vagalatia 2:21

Sisulaa zimbavasi zia Nyasaye mba. Mundu naava naakolwa mulungi imbiri wa Nyasaye ku Lilaga, gaveeye kovora ndi, Kristo yakuza vugira kivuni!