Varumi 3:28 - KITABU KITAKATIFU

²⁸ Kunangwa kololaa ndi, mundu akolwaa kuva mulungi imbiri wa Nyasaye kuvitira mu lisuuvira lienyine; sigaveeye ku likora miyinzi ji Lilaga mba.

Varumi 3:28 ပူးပေါင်းရင်းမြစ်များ

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Varumi 3:26

Gaali kololekiza ku ing'inga ya lero ndi, Nyasaye mwene aveeye mulungi, kandi akolaa uyu oveeye ni lisuuvira mu Yeso kuva mulungi.

Varumi 4:5

Mundu utakola miyinzi, navuzwa usuviraa Nyasaye okolaa vachamu kuva valungi, Lisuuvira lilie livalizwa kuva lirungi.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vagalatia 3:24

Kunangwa Lilaga liali mulindi wiitu kuduuka lwa Kristo yaza, kuduuki kokolwa avalungi imbiri wa Nyasaye kuvitira mu lisuuvira.

Vagalatia 3:8

Mang'oda Matakatifu gamanyia mulitanga ndi Nyasaye alavugilira vandu vizihiiri kuva avalungi kuvitira mu lisuuvira. Kunangwa Mang'oda Matakatifu gaalandiza makuva malahi ku Aburahamu ndi: “Kuvitira mu ivi, Nyasaye alakagasizi avandu vovo.”

Vafeso 2:9

Sigaveeye kigira vikolwa vienyu aveene kunangwa mundu ku woosi avuli kwiyizominya mba.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Tito 3:7

Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

Yakobo 2:18

Navuzwa mulala alavoora, “Umundu mulala aveeye ni lisuuvira, nu wundi aveeye ni likora.” Manyia kuli mulala anyala kuva ni lisuuvira vugira ivikolwa, ninzi ndakumanyia lisuuvira liange ku vikolwa viange.

Yakobo 2:20

Umusiru ivi! Wenyaa umanywe ndi lisuuvira vugira ivikolwa liakuza?

Yakobo 2:24

Kunangwa muloraa, gaveeye kigira ivikolwa vivie umundu akolwaa umulungi imbiri wa Nyasaye na sigaveeye kigira lisuuvira lienyine mba.