Varumi 3:22 - KITABU KITAKATIFU

²² Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 3:22 ပူးပေါင်းရင်းမြစ်များ

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Luka 15:22

Navuzwa baba weve yavolera avatumikiri veve: ‘Koli vwangu! Leeti inguvu indahi mumuviiki kandi muviiki ebede ku kedete chiche ni ivilatu mu virenge vivie.

Vikolwa 11:12

Roho yambolera nzie harara navo vugira kulindagilira. Avandu avasuuviraa sita yava vazia harara ninzi Kaisaria; ni kwingira yo munyumba ya Korinelio.

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Vikolwa 3:16

Ziali zinguru zie lieta lia Yeso, ziahaana ku mundu mulema uyu zinguru. Icha munyi muloraa nukumanya chekoleka kigira lisuuvira mu lieta lilie. Lisuuvira mu Yeso nilio liheeye mundu uyu uvulamu vwokohona ligali kuli mwosi muloraa.

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

Varumi 10:12

Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira.

Varumi 10:4

Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Varumi 3:30

Nyasaye aveeye mulala, kandi alakola Avayuda kuva avalungi imbiri weve kolondekana ku lisuuvira liavo, na vandu vizihiiri kolondekana ku lisuuvira liavo kandi.

Varumi 4:16

Kigira yaga, lisuuvirizwa liatura ku lisuuvira; kunangwa lisuuviriza liduuki kuvikwa ku muhuri ni kihanwa cha Nyasaye yahaana vuzwa ku visukululwi vosi va Aburahamu. Sigaveeye vuzwa ku yavo vatizaa Lilaga venyine, navuzwa ku yavo kandi avasuuviraa kuli Aburahamu yakola. Aburahamu aveeye baba wiitu kunyi vosi mu Roho.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 9:30

Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira;

1 Vakorintho 12:13

Munzira ndala nzere, kunyi kwosi nikuva nikoveeye Avayuda anoho vandu vizihiiri, avatugwa anoho vavoholore, kwabatizwa na Roho mulala ma ni kuva muviri mulala kandi Nyasaye yahaana ku kunyi vosi Roho mulala mu mioyo jitu.

1 Vakorintho 4:7

Nivwaha wakokora kuva munene kuvita vandi? Siaveeye Nyasaye wakuha ivindu yivi viosi? Na niiva ivi waahevwa, kigira ki wigingira kuli kitaveeye kihanwa cha Nyasaye yakuha?

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vafeso 3:12

Kunangwa, mu lihambanywa lietu na Kristo kandi kuvitira mu lisuuvira lietu muye, kunyi koveeye nuluviliraa kuzia imbiri wa Nyasaye vugira uvuti vwosi.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

Yakobo 2:23

Mang'oda Matakatifu gaduukizwa agavoora ndi, “Aburahamu yasuuvira Nyasaye, kandi kigira lisuuvira, Nyasaye yamuvugilira kuva umulungi.” Kandi ya langwa umulina wa Nyasaye.