Varumi 3:19 - KITABU KITAKATIFU

¹⁹ Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Varumi 3:19 ပူးပေါင်းရင်းမြစ်များ

Ayubu 5:16

Ahaanaa lisuuvirizwa ku avadaka kandi achiring'anyia avachamu.

Zaburi 107:42

Avalungi vasangala lwa valora yaga, navuzwa avachamu vosi vachiring'anywaa machiriri.

Zaburi 63:11

Mwami alasangala ligali kigira Nyasaye alamuha liguuta, yavo vosi aviisuhaa mu lieta lia Nyasaye, valamwizominya; navuzwa Nyasaye alahana minwa ja vavehi.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Yohana 15:25

Navuzwa yaga gaveeye kuduukiza likuva liang'odwa mu Lilaga liavo: ‘Vandunyiraa vuzwa vugira kivuni.’

Yohana 8:9

Navuzwa lwa vahulira yaga, vatanga kuzia mulala sa mulala kutangilira na vakulundu kuvo vosi. Yeso yaatigara yenyine, nu mukali oyo naakisingiyi imbiri weve.

Varumi 1:20

Kali kutura ing'inga ya Nyasaye yalomba lirova, liiva lilie litalolekaa ni zimoni, liveeye zinguru zizie zie mihiga ni mihiga, kandi liiva liuvunyasaye vwivwe, vumali kololeka vulahi ligali. Avandu vanyara kumanya makuva yaga kuturana ni vindu via Nyasaye yalomba. Ku lwa yago, sivaveeye ni chavativula mu liekinga liavo mba!

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

Varumi 3:23

Avandu vosi vaakora vwoni, kandi vavura kuduuka ku vukumi vwa Nyasaye.

Varumi 3:4

Awa! Siganyalika mba. Kuduuka Nyasaye ave wiligali kazozo kali niiva avandu vosi vaveeye vavehi. Kuli Mang'oda Matakatifu gavoora, “Gakuduukiraa ove wagiligali lwa ovola makuva googo; gakuduukiraa uguuti kiyaalo lwa uyaalwa.”

Varumi 3:9

Kunangwa kovoole ki'? Avayuda koveeye valahi kuvita vandu Avizihiiri? Awa, Sigaveeye ndio mba! Inzi mali kumanyia kutura mu litanga ndi Avayuda na vandu Avizihiiri, vosi harara vaveeye voni.

1 Vakorintho 1:29

Munzira yiyi sihaveeye nu mundu unyala kwigingira imbiri wa Nyasaye mba.

Vagalatia 3:10

Yavo vosi valonda agi Lilaga lienyaa, vaveeye hasi hi kilaamo. Mang'oda Matakatifu gavoora, “Mundu woosi, utahulira no kokora goosi agang'odwa mu kitabu chi Lilaga, aveeye hasi hi kilaamo cha Nyasaye.”

Vagalatia 4:21

Mboleri, munyi avayaanzaa muve hasi hi Lilaga: simuhuliraa ichi Lilaga zana livoora?

Vagalatia 4:5

aduuki kohonyia yavo avaari hasi hi Lilaga, kunangwa kunyi kuduuki kuva avana va Nyasaye.

Vagalatia 5:18

Navuzwa Roho alamwimilira, simuveeye hasi hi Lilaga mba.

1 Samweli 2:9

“Asoolaa livamwoyo lia vandu avasuuvirifu veve; Navuzwa avadamanu vagotelaa mukisundi; kigira mundu siagutaa kigira zinguru zizie mba.