Varumi 2:8 - KITABU KITAKATIFU

⁸ Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

Varumi 2:8 ပူးပေါင်းရင်းမြစ်များ

2 Kyetsinyinga 6:23

O, Yahova, hulira noveeye mwigulu na ukalagiri mutumikiri woovo. Haana mageri ku mudamanu kuli gamudukira, na uleke oyo utali nu vudamanu ave.

Ayubu 24:13

Vaveeye ho avandu avasuuraa uvulavu, si vamanyiriza zinzira ziu vulavu mba, kandi si vamenya muzinzira ziavwo.

Zaburi 90:11

Nivwaha umanya zinguru ziu vutima vuvwo vululu; Nivwaha umanya ni vutihizi ki vwu vutima vuvwo vunyala koleta?

Tsing'ano 11:23

Via vandu avalahi venya vivezaa vilahi; lwa vachamu vanyoola viavenyaa, vandu vosi vavezaa nu vutima.

Tsing'ano 13:10

Liegingira si liletaa kindu, navuzwa liletaa vudinyu. Voveeye vulahi kwenya miigizu.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Jeremia 34:18

Avandu vamali kuvunaga lilagana liange kandi vavuli kutwekiza liiva lie lilagana lia valomba ibiri wange, nambakore kuli kemoli chakaranywamu haali kaviri ma nivavitira hagati hividonye viacho.

Ezekieli 22:31

Kunangwa muvutima vwange vululu, ndaaza mbane mageri ku vandu va Isiraeli ku aga vamali kokora, kandi navamanyirizi ndi inzi mbeeye nu vutima.” Yahova umali kovora.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 10:16

Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?”

Varumi 15:18

Ndakaluviliri kovora kindu kindi choosi ni kitali vuzwa cha Kristo Yeso yakola kuvitira mu inzi kwimilira vandu vizihiiri vaduuki kuhulira Nyasaye. Yakola ndio mu makuva nu mu vikolwa,

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

1 Vakorintho 11:16

Niiva umundu yenya koleta mahangari ku geene yaga, gamudukira amanye ndi kunyi anoho amakanisa ga Nyasaye sikoveeye nu mwima gundi mu lisigamira Nyasaye mba.

2 Vakorintho 12:20

Mbeeye nu vuti ndi gase lwa ndakaaze yeyo, ndakanyoole nimuveeye lugano kutura kuli nyenya munyi muve. Na munyi hawundi mulanyola inzi nindaveeye kuli munyi muganaganaa. Mbeeye nu vuti ndi hawundi ndakanyoole ovolembani, embodoka, uvutima, iliavukana, uvwimani, limonyana, lielora kandi ikivihiri niviveeye hagati hinyu.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Vafilipi 1:17

Avandu vukutanga yavo sivilwazaa Kristo nu mwoyo mulahi mba navuzwa mu roho wi liegomba vindu vie kivala vaganagana ndi valameeda ikivi ku inzi lwa mbeeye muvuhambe.

Vafilipi 2:3

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Tito 3:9

Navuzwa welehe ku mahing'ani guvusiru, ku lihing'ana guvusiru, ku amita manyingi ga vaguuga, mahangali, kandi ovolembani ku lilaga. Vindu yivio siviveeye nuvukara vwosi mba, kandi viveeye via vuzwa.

Vahebraina 10:27

Navuzwa litigaaye ni lilindilira nuvuti likalaga lia Nyasaye nu vululu vwu muliru gulidiviza yavo vosi avahing'anaa naye.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

Yakobo 3:14

Navuzwa ni muva ni muveeye nembodoka, uvululu, uvwimani ni likayirwa mu mioyo jinyu, mutakola uvwoni ku agiligali ku liekonya kigira ovogeri kandi mutaveha ovovehi ku agiligali mba.

Yakobo 3:16

Ahembodoka nu vwimani viveeye, hazana yaho haveeye ni ikivihiri kandi ni zing'ano ziosi ziu vudamanu.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 16:19

Lidaala linene lia Babiloni liavukanywa mu vidonye vivaga, kandi amadara gi izihiiri gaasambwa. Nyasaye yizuliza lidaala lia Babiloni naaliha kekombe chi iwaini linwi, amageri gu uvutima vwivwe ovonene.