Varumi 2:7 - KITABU KITAKATIFU

⁷ Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 2:7 ပူးပေါင်းရင်းမြစ်များ

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Zaburi 27:14

Usuuviri mu Yahova, ove ni lisuuvira na utakuza mwoyo mba usuuviri mu Yahova.

Zaburi 37:3

Usuuviri Yahova, na okole agaveeye amalahi, na ndio ulamenya mu kivala mu likingwa lilie.

Zaburi 37:34

Musuuviri Yahova kandi muhuliri amalago geege; na ndio alamuha luyali nu kumuha miandu ji kivala, navuzwa avandu vadamanu valatulizwa mu kivala cha avasuuvirifu.

Ezekieli 18:17

Asuuli kokora uvudamanu, kandi yegobiza mabesa nukuvula konyoolaku uvukala kandi atizaa malago gange; mundu uyu sialakuza kigira uvwoni vwa baba weve mba, navuzwa alamenya ligali.

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Luka 21:19

Muliekuzira lienyu nu vusuuvirifu, mulanyola livamwoyo litahera mba.

Luka 8:15

Uvuguza vwagwa mu marova malahi na magunamu ni yavo avahulira likuva ma valigumira nu vusuuvirifu vwosi kandi numwoyo mulahi gwosi kandi vikuzira kuduuka lwa vaama amakuyu.

Yohana 4:36

Mugesi anyoora madanyi geege, ma avungiza viamo kigira livamwoyo litahera mba, kunangwa mundu utagaa nogesaa vasangala harara.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Varumi 2:10

Navuzwa Nyasaye alahaana uvukumi, ilizominywa ni mirembe ku vandu vosi avakolaa vulahi; kutanga ku Vayuda, ma ku Avizihiiri.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

Varumi 8:18

Ndolaa ndi uvusaliri vwitu vwi ing'inga ya kalunu yiyi si vunyala koleng'anywa nu vukumi vwa kulilola kali hakuzu mba.

Varumi 9:23

Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe.

1 Vakorintho 15:42

Ni ndio galakave mu lisimuguka lia vakuzu. Lwu muviri guyavirwa, goveeye gwi likuza. Lwa gusimugukizwa, goveeye gwi livamwoyo mihiga ni mihiga.

1 Vakorintho 15:50

Kunangwa muvooleraa yaga avaamitu vange, inyama na masahi sivinyala konyoora vwami vwa Nyasaye mba; kandi vwoneku sivunyala konyoora vutaveeye uvwoneku mba.

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

Vagalatia 6:9

Kunangwa kunyi kutaluha ku likora uvulahi mba, kigira kulavuna mu zing'inga ndahi, kulakagese niiva si kukuza mioyo mba.

Vafeso 6:24

Zimbavasi zia Nyasaye zive na yavo vosi avayaanzaa Mwami wiitu Yeso Kristo, ni liyaanza litaveeye ne keheri.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vahebraina 2:7

Wamukola ku ing'inga ngekeeke kuva mukekeeke ku Zingelosi. Wamuvika itaji yu vukumi kandi yuluyali,

Vahebraina 6:12

Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.

Vahebraina 6:15

Aburahamu yaali mwikuziri, kandi ndio yanyoora icha Nyasaye yamusuuviriza.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”