Varumi 2:5 - KITABU KITAKATIFU

⁵ Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Varumi 2:5 ပူးပေါင်းရင်းမြစ်များ

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Ayubu 21:30

Ku lidiku lia Nyasaye aveeye nu vutima nukuhaana mageri, umundu mudamanu niyie ohonyiangwa kutura mu kivi.

Zaburi 110:5

Yahova aveeye ha mukono gugwo mulungi; lwa asinyika aladuvulanyia avami.

Zaburi 95:8

“Mutadinyia magoti ginyu mba, kuli avaguuga vinyu vaakora ha Meriba, kuli vaali ku lidiku yilio muchangalangwe na Maasa.

Kutwula 14:17

Ndakora vandu va Egebeti vadinye mioyo jaavo navo vingiri munyanza kuvalondelera inyima wavo, kandi ndanyoora uluyali ku vuguuti vwange ku Mwami, liihi lilie, magare geege gu vulwani, kandi avahili vi zibarasi veve.

Kutwula 32:34

Kunangwa kalunu uzie, kwimilira avandu vaduuki havundu ha mali kokovoolera. Wizulizi ndi engelosi wange alakwimilira; navuzwa mu ing'inga yiza lwa ndihaana mageri ku avandu yava kigira uvwoni vwavo.”

Kutwula 8:15

Lwu Mwami yalora amakere gamali kukuza, yadinyia mwoyo gwigwe ligali, kandi kuli Yahova yaali niyavoola ndi Mwami siyalahulira Musa na Haruni mba.

Tsing'ano 1:18

navuzwa, avandu kuli yava vetegekeraa mitego aveene, mitego jaza giviiti.

Tsing'ano 11:4

Uvutugi sivulakokolela kindu kilahi ku lidiku liilio lie likuza mba, navuzwa vusuuvirifu vulakohonyia.

Tsing'ano 28:14

Aveeye nuvugasu mundu utizaa Yahova kazozo, navuzwa oyo oveeye ni kirage aladivizwa.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Jeremia 40:3

kunangwa kalunu umali kokora agayavoola naakole. Yaga goosi gaakolwa kigira avandu vovo vakora uvwoni ku Yahova kandi nivavula kumutia.

Ezekieli 11:19

Inzi ndakavahe mwoyo muhia kandi zing'anagani zimbia. Ndakatulizi muvo mwoyo gwiligina kandi ndakavahe mwoyo gwukutia.

Ezekieli 3:7

Navuzwa siaveeye ho kali mulala ku vandu va Isiraeli uwaza avugiliri kukuhulira mba; kali si vanyara ku mbulira mba. Vosi vaveeye avahindagirizi kandi avataveeye vahuliri.

Danyeli 5:20

Navuzwa kigira yaali ni liegingira, kilage kandi nava mululu, yatulizwa ku vwami kandi naagotiza luyali lwilwe.

Hosea 13:12

“Uvuchamu vwa avandu va Isiraeli vuvikiywi harara, kandi uvwoni vwavo vuvikiywi mu mang'oda.

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Varumi 1:18

Nyasaye umali kololekiza vutima vwivwe kutura mwigulu ku vwoni vwosi, nu ku vudamanu vwosi vwa vandu, vi zinzira ziavo zindamanu zigaliraa agiligali gavuli kumanyikana.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

Kwidzulitsa 2:30

“Navuzwa mwami Sihoni, siyaali anyala koleka kuvitiri mu kivala chiche mba. Yahova Nyasaye winyu yamukola kuva mudinyu kandi yamukola kuva ni liebaala, kunangwa kuduuki kumuguuta kandi kuvugura kivala chiche icha kokemenyi mu kuduuka kalunu.

Kwidzulitsa 32:34

“Yahova yizuliza cha vasigu vaavo vamali kokora alindiliraa ing'inga indahi yukuvaha mageri,

2 Vatesalonike 1:5

Yaga goosi gamanyia ndi likalaga lia Nyasaye liveeye lirungi, na munyi mulavalizwa kuva avaduukani konyoora vwami vwivwe uvugira nimunyoola likubizwa kivi.

Vahebraina 3:13

Navuzwa mulala ku munyi avuli kugadwa nu vwoni kandi agwi mwigingiri. Kuduuka mukonyane aveene naveene vuli lidiku, ku lohono lwi likuva “Kalunu” mu Mang'oda Matakatifu limolomaa ku kunyi.

Vahebraina 3:15

Mang'oda Matakatifu gavoora: “Niiva muhulira mwoyo gwa Nyasaye kalunu, mutadinyia mioyo jinyu, kuli avaguuga vinyu vaali, lwa vibaara ku Nyasaye mba.”

Vahebraina 4:7

Yaga gamanywa ni kivuni ndi Nyasaye aviikaa ho lidiku lindi, lilangwa “Kalunu.” Inyima wi mihiga minyingi, yamoloma kugo kuvitira mu Daudi mu Mang'oda Matakatifu kovora, “Kalunu ni muhulira mwoyo gwa Nyasaye, mutadinyia mioyo jinyu mba.”

Yakobo 5:3

Izahabu yinyu ni feza yinyu vikubi zisisinia, likuba zisisinia ziavio lilava kelolekizu ku munyi, kandi zilalia izinyama zie imiviri jinyu kuli umuliru. Munyi vamwivungiziiyi vutugi mu madiku gu kumaliriza yaga.

Joshua 11:20

Yahova yaali navakoli avagulu kulwaana Avaisiraeli, kunangwa vaduuki kukalagirwa lidivizwa ligali kandi vosi vaduuki kwitwa vugira liverererwa. Yaga nigo aga Yahova yaali nalagi Musa.

2 Petro 2:9

Kulwayago, Mwami amanya kuli anyala kohonyia avandu valungi kutura mu ligerizwa liavo, nu kuhaana mageri ku vandu, vachamu kuduuka Lidiku lie Likalaga,

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.

Yudasi 1:6

Mwizurizi zingelosi avavura kulinda uvwiyangu vwu vunyali vwavo, navuzwa nivaleka havundu ho vomenyo vwavo: vavofwa ni minyororo mihiga ni mihiga mu kisundi ha Nyasaye yavavika valindi ilikalagirwa ku Lidiku linene yilio.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”

1 Samweli 6:6

Kigira ki muve ni mioyo midinyu kuli mwami na vandu va Egebeti? Mutivilira kuli Nyasaye yavakola vasiru kuduuka lwa valeka avandu va Isiraeli vatule vazie.