Varumi 2:4 - KITABU KITAKATIFU

⁴ Anoho hawundi uchayaa zimbavasi zizie, uvwikuzihizi kandi uvwikuziri vwivwe. Ivi siumanyi ndi Nyasaye nuwizimbavasi kigira yivu vwenya koleta kuivi ligerizaa kukwimilira onyoore lieganira.

Varumi 2:4 ပူးပေါင်းရင်းမြစ်များ

Zaburi 10:11

Mundu muchamu avola mu mwoyo gwigwe, “Nyasaye yiiviriiyi! Amolizi zimoni zizie, na sianyala kondola mba!”

Zaburi 104:24

O, Yahova, ivi walomba vindu vinyingi! Walomba vindu viosi novogeri vonene ligali! Lirova liosi lizuuyi vilombe vivio.

Zaburi 31:19

Vindu vilahi via uvikiraa yavo avakoheezaa luyali viveeye viokogenyia. Avandi vosi vamanya ndi ivi oveeye mulahi ligali kandi ukingaa yavo avakusuuviraa.

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Zaburi 86:15

Navuzwa ivi, O, Yahova, oveeye Nyasaye wu vuyanzi kandi wi zimbavasi, oveeye mwikuziri, wuvuyanzi vutaveeye ne keheri kandi musuuvirifu kazozo.

Zaburi 86:5

Ivi oveeye mulahi ku kunyi, kandi usamihaa uvwoni vwitu, wayizula uvuyanzi vutaveeye ne keheri ku yavo vosi avasaalaa ku ivi.

Kutwula 34:6

Maku Yahova yavita imbiri weve navoora, “inzi, Yahova, mbeeye Nyasaye wizura zimbavasi kandi lirerera, utaveeye nu vutima vwa vwangu kandi umanyia uvuyanzi vonene nu vusuuvirifu.

Kohelethu 8:11

Lwi likalaga liu vudamanu livulaa kwekoleka vwangu, vandu vetegeka kokora vudamanu.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Jeremia 7:10

Munyi mukoraa vindu yivi via inzi suraa maku muzaa kusingira imbiri wange mu Litembeli liange nimuvooraa, ‘Kunyi kwahonywa!’

Ezekieli 11:19

Inzi ndakavahe mwoyo muhia kandi zing'anagani zimbia. Ndakatulizi muvo mwoyo gwiligina kandi ndakavahe mwoyo gwukutia.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Jona 4:2

Kunangwa yasaala ku Yahova navoora, “O, Yahova, sindavoola ningikiri kutura yengo ndi, yiki nicho icha umanya okole vuzwa? Yicho nicho chagira ningora zinguru ziosi ukwirukira mu kivala cha Tarishishi. Ndaamanya vulahi ndi, ivi oveeye Nyasaye wuvuyanzi, kandi wizimbavasi, umwikuziri ku vutima, kandi umwetegeke kugirung'ana muziganagani, kandi kuvula kuhaana mageri.

Livalidza 14:18

‘Inzi Yahova mbeeye wa galaha ku vutima: Manyia uvuyanzi vonene kandi vusuuvirifu vutaveeye ne keheri, kandi samiiha uvwoni kandi samiiha yavo vibaara. Navuzwa ndahaana mageri ku vana kandi aviisukulu kuduuka ku likula lia kavaga ni lia kane kigira uvwoni vwa vaguuga vaavo.’

Varumi 10:12

Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira.

Varumi 11:22

Kunangwa, wizulizi uvulahi, kandi uvululu vwa Nyasaye. Aveeye mululu ku yavo avamali kugwa, navuzwa uvulahi vwa Nyasaye voveeye ku ivi niiva ulazizagilira mu vulahi vwivwe. Nigataveeye ndio, ivi kandi ulahalulwa.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!

Varumi 3:25

Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba.

Varumi 6:1

Kunangwa, kovoole ki? Kuzizagiliri komenya muvwoni kunangwa zimbavasi zia Nyasaye ziduuki komedeka?

Varumi 6:15

Kunangwa kovoole ki? Kokole uvwoni kigira si koveeye mu Lilaga, navuzwa mu zimbavasi zia Nyasaye? Sigaveeye ndio mba!

2 Vakorintho 8:2

Vaveeye ni ligerizwa linene liu vudinyu vunyingi vwa vavitira mu; navuzwa vudinyu vwavo vwali vonene kuvita ligali kigira kali niiva vaali vadaka ligali, vaali vahaani kuvita kegero mu lihaana liavo.

Vafeso 1:18

Saalaa ndi Nyasaye amukole muduuki kumanyiriza vulavu vwivwe, kunangwa muduuki kumanya lisuuvirizwa lia yamulangira kandi uvutugi vwuvukumi vwi miandu jije ku avandu veve

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 2:4

Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero;

Vafeso 2:7

Yakola ndio kunangwa aduuki kumanyia mu zing'inga ziosi izizaa, ovonene vwuvutugi vwi zimbavasi zizie muvuyaanzi vwa yamanyia kunyi kuvitira mu Kristo Yeso.

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vafilipi 4:19

Nyasaye wange alahaana ku munyi lienya lienyu liosi kolondekana nu vukumi vwu uvutugi vwivwe mu kuvitira mu Kristo Yeso.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 2:2

Inzi ngolaa yaga ni kivuni ndi, vaduuki koleminywa mioyo, vahambanywe harara mu vuyanzi, kunangwa vaduuki ku vutugi vwosi vwi lisuuvirizwa voletaa limanyiriza. Mu yaga; vaduuki kumanya agaviswa ga Nyasaye, agaveeye Kristo mwene.

1 Petro 3:20

Yiji jaali mioyo ja yavo avaavura kuhulira Nyasaye lwa yalindilira mu vwikuziri mu madiku ga Nuhu yaali ni yumbaka liato lilie. Avandu munane mu liato venyine nivo avaahona kutura ku likuza lia amazi.

2 Petro 1:11

Kunangwa mulanyola livugilirwa liu vukumi mu Vwami vwi mihiga ni mihiga vwu Mwami kandi Muhonyi wiitu Yeso Kristo.

2 Petro 3:15

Muloraa ndi liekuzira liu Mwami liveeye vwiyangu vwa hanaa kumunyi muduuki kohona kuli Paolo, amiitu wiitu muyanze yaamungodera, natumikira ovogeri vwa Nyasaye yamuha.

2 Petro 3:3

Kindu chu kutanga, gamudukira mumanye ndi mu madiku ge keheri yaga, vandu valala valaloleka kuva vilivamwoyo liavo iliamiifwi ni likayirwa lie miviri jiavo valakamunyage kandi

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.