Varumi 2:29 - KITABU KITAKATIFU

²⁹ Muyuda wiligali ni oyo oveeye Muyuda musi mugati; agaveeye kovora, uwumwoyo gwigwe mu Roho gumali kokevwa; kandi yigu goveeye muyinzi gwa Roho wa Nyasaye, sigoveeye gwi Lilaga liang'odwa mba. Mundu wu lugano yilu anyoora lizominywa lilie kutura ku Nyasaye, silitulaa ku vandu mba.

Varumi 2:29 ပူးပေါင်းရင်းမြစ်များ

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Zaburi 45:13

Mukaana wu mwami aveeye munyumba yu vwami; magu kulia yaagasa ligondo! Inguvu yeeye yalombwa ku zimbusi zie izahabu indahi.

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 9:25

Yahova avoora, “Madiku gaaza, lwa ndihaana mageri ku yavo vosi avakevwa vuzwa kuligodo -

Luka 11:39

Kunangwa, Mwami yamuvolera, “Munyi Avafarisayo, mwogizaa igulu we kekombe ni sahani. Navuzwa mugati mwinyu, mwayizula uvunuuri nu vudamanu.

Luka 17:21

Siaveeyeho nu mundu ulivoola, ‘Henza, voveeye hano!’ Anoho ‘Avulaa.’ Kigira, uvwami vwa Nyasaye voveeye hagati hinyu.”

Yohana 12:43

Vayaanza lizominywa na avandu kuvita lizominywa na Nyasaye.

Yohana 4:23

Navuzwa ing'inga yiza kandi imali kuduuka, lwa vandu vasigamira; Baba mu Roho kandi mu agiligali yava nivo vandu va Baba yenya vamusigamiri.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 2:27

Kunangwa Avayuda mulakakalagirwi na vandu Avizihiiri kigira muvunagaa Lilaga, kali nigava mwamala kuling'oda hasi kandi mukevwa; navuzwa vahuliraa lilaga kali niiva sivakevwa ku miviri mba.

Varumi 3:1

Muyuda aveeye na ki chavitilaa avandu vi zihiiri? Anoho, ilikevwa liveeye na vukala ki?

Varumi 7:6

Navuzwa kalunu koveeye avavoholore kutura ku Lilaga, kigira kukuzi ku Lilaga liakokola avahambe ku ing'inga ndala. Si kutumikira Nyasaye kolondekana ni liiva lia kale liang'odwa mu Lilaga mba, navuzwa mu liiva lihia lia Roho Mutakatifu.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

1 Vakorintho 7:19

Kigira likevwa anoho livula kokevwa siviveeye kindu mba; ekeveeye kenene ni kugumira no kolonda amalago ga Nyasaye.

2 Vakorintho 10:18

Kigira siaveeye umundu uyu wekonyaa mwene uvugilirwa, navuzwa uyu wu Mwami mwene yekonyeraa.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

Kwidzulitsa 10:16

Kunangwa kutura kalunu muve avahuliri ku Yahova kandi mutava vikirage mba.

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

1 Vatesalonike 2:4

Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.

1 Petro 3:4

Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”