Varumi 2:27 - KITABU KITAKATIFU

²⁷ Kunangwa Avayuda mulakakalagirwi na vandu Avizihiiri kigira muvunagaa Lilaga, kali nigava mwamala kuling'oda hasi kandi mukevwa; navuzwa vahuliraa lilaga kali niiva sivakevwa ku miviri mba.

Varumi 2:27 ပူးပေါင်းရင်းမြစ်များ

Matayo 3:15

Navuzwa Yeso yamutivulira, “Leka gave ndio kalunu kigira ni vulahi kuduukizi uvulungi vwosi vwa Nyasaye yenya.” Hene yaho Yohana yaavugilira.

Vikolwa 13:22

Lwa Nyasaye yamala kutuliza Saolo, yatovola Daudi ave mwami wavo. Yalolekiza livugilirwa lilie navoora: ‘Ndoli Daudi mwana wa Jese; nu mundu wu lugano lwu mwoyo gwange muyanzaa; mundu ulikola goosi agu vulaliri vwange.’

Varumi 13:10

Uyu uyanzaa mutende weve siamukoleraa uvudamanu mba. Kunangwa Lilaga liosi lidukizirwa mu vuyanzi.

Varumi 2:15

Miima niliiva liavo vimanyia ndi, agi Lilaga lienyaa gang'odwa mu mioyo jaavo. Zing'anagani zie mioyo jaavo zilolekizaa giligali, kigira ing'inga ndala zivayaalaa, kandi ing'inga yindi zivaveraa.

Varumi 2:20

wevoolera oveeye mwigizi wa vasiru, kandi umwigizi wa vandu vakikiri kuva vadukiru. Oveeye na giligali ndi mu Lilaga oveeye nilimanya liosi kandi agiligali goosi.

Varumi 2:25

Niiva ulahulira Lilaga, likevwa liilio lilava nu vukala ligali, navuzwa niiva ulavunaga Lilaga, vwakaveeye vulahi ivi ulavuli kokevwa.

Varumi 2:26

Niiva mundu mugasa wi Zihiiri zindi adukizaa agi Lilaga lienyaa, Nyasaye sialamuvaliza kuva aveeye kuli wakevwa?

Varumi 2:29

Muyuda wiligali ni oyo oveeye Muyuda musi mugati; agaveeye kovora, uwumwoyo gwigwe mu Roho gumali kokevwa; kandi yigu goveeye muyinzi gwa Roho wa Nyasaye, sigoveeye gwi Lilaga liang'odwa mba. Mundu wu lugano yilu anyoora lizominywa lilie kutura ku Nyasaye, silitulaa ku vandu mba.

Varumi 3:30

Nyasaye aveeye mulala, kandi alakola Avayuda kuva avalungi imbiri weve kolondekana ku lisuuvira liavo, na vandu vizihiiri kolondekana ku lisuuvira liavo kandi.

Varumi 8:4

Nyasaye yakola yaga kunangwa uvulungi vwi Lilaga lienyaa vuduuki kuduukizwa mu kunyi avamenyaa kolondekana ni liiva lia Roho, kandi sigaveeye kolondekana ni liiva liu muviri mba.

1 Vakorintho 7:19

Kigira likevwa anoho livula kokevwa siviveeye kindu mba; ekeveeye kenene ni kugumira no kolonda amalago ga Nyasaye.

2 Vakorintho 3:6

Yakokola kove avatumikiri vadukiru vi Lilagana lihia litaveeye lie lilaga liang'odwa, navuzwa lia Roho. Lilaga liang'odwa liletaa likuza, navuzwa Roho ahaanaa livamwoyo.

Vagalatia 5:14

Lilaga liosi liduukiziywi mu lilago lilala: “Uyaanze mutende woovo kuli wiyanza mwene.”

Vafeso 2:11

Kunangwa mwizurizi ndi mwaali vandu vizihiiri ku liivulwa maziambiri. Mwalangwa, “avatakevwa,” na Avayuda avilangaa “avakevwa,” yili ni likevwa liu muviri.

Vahebraina 11:3

Kigira lisuuvira, kumanyirizaa ndi ligulu lialombwa ku likuva lia Nyasaye, kunangwa, linyala kololeka lialombwa kutura ku vitalolekaa.