Varumi 2:23 - KITABU KITAKATIFU

²³ Wiyizominya ndi oveeye ni Lilaga lia Nyasaye, navuzwa uhaanaa zisoni ku Nyasaye ku livunaga Lilaga?

Varumi 2:23 ပူးပေါင်းရင်းမြစ်များ

Kyavalevi 13:32

Musaalisi alahenzeliza havundu halwaala zana ku lidiku lia saba, niiva sililandi mba, kandi amaswa gi ligondo liu vuduugi sigaveeye ho kandi sihayavuguki kuvita ligodo lihakumbirizi mba,

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Luka 18:11

“Mufarisayo oyo yasingira, niyisaalira mwene, ‘Nyasaye, ngusandizaa kigira simbeeye kuli avandu vandi mba: avanuuri, avagaanga, avaheyi, anoho kali kuli musololi wu vusuuru uyu mba.

Yohana 5:45

Mutaganagana ndi ninzi uli muyaara ku Baba mba. Musa uwa munyi mwaviika mu lisuuvirizwa lienyu niyie ulimuyaala.

Varumi 2:17

Niiva wilangaa Muyuda, ivi weleedaa ku Lilaga, kandi wiyizominya kigira uvwiko vuvwo ku Nyasaye;

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

Varumi 3:27

Kunangwa kindiki kinyala kokolomba kwiyizominye? Kindu mba! Kandi yaga gaveeye ku kivuni ki? Ni kigira kunyi kutizaa Lilaga? Awa! Navuzwa kigira Lisuuvira.

Varumi 9:4

Vaveeye avandu va Nyasaye; yatovola vave avana veve; naavavuulira uvukumi vwivwe. Yalomba lilagana lilie navo, kandi navaha Lilaga lilie; vaveeye ni lisigamira Nyasaye liageligali. Vanyoola lisuuvirizwa lia Nyasaye;