Varumi 2:2 - KITABU KITAKATIFU

² Kunyi kumanyi ndi Nyasaye aveeye vulahi kukalagira vandu vandi vosi vakora vindu kuli yivi.

Varumi 2:2 ပူးပေါင်းရင်းမြစ်များ

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Ayubu 34:23

Nyasaye siyaviika ho ing'inga, iya vandu vazia nukukalagirwa harara naye mba.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Zaburi 9:4

Ivi mulahi kandi musuuvirifu mu likalaga liilio, ivi umali kukalaga mu liyaanzilira inzi.

Zaburi 96:13

lwa Yahova yaza kwamiiha lirova. Alamiiha avandu vi lirova ni likalaga lirungi kandi nagiligali.

Zaburi 98:9

kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Ezekieli 18:25

“Navuzwa munyi muvooraa, ‘Likora lia Yahova si liveeye lirungi mba.’ Mumbulirizi kalunu, munyi avandu va Isiraeli. Muganaganaa likora liange si liveeye lirungi? Likora lienyu nilio litaveeye lirungi.

Ezekieli 18:29

Navuzwa munyi avandu va Isiraeli muvooraa, ‘Likora lia Yahova siliveeye lirungi mba.’ Musuuviraa inzira yange sieveeye inungi? Inzira yenyu niye itaveeye inungi.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Varumi 2:3

Navuzwa ivi, umundu, ukalagiraa yavo avakolaa vindu kuli yivi na ivi mwene, okolaa viazana? Uganaganaa ulahononoka kutura mu likalaga lia Nyasaye?

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Varumi 9:14

Kunangwa kovoole ki? Nyasaye siaveeye nuvulungi? Sigaveeye ndio mba!

Likunula 16:5

Ndaahulira kandi engelosi umulindi wa amazi navoora, “Likalaga lia umali kuhaana liveeye lirungi. Ivi oveeyeho, kandi wa liho, ivi mutakatifu.

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”