Varumi 2:19 - KITABU KITAKATIFU

¹⁹ kandi niiva oveeye ligali ni limanya ndi ivi mwene oveeye umwimiliri ku vavoku, na uvulavu ku vandu vosi avaveeye mu kisundi,

Varumi 2:19 ပူးပေါင်းရင်းမြစ်များ

Tsing'ano 26:12

Mundu musiru ligali aveeye mulahi kuvita mundu uganagana aveeye mugeri lwa ataveeye ndio mba.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Isaya 56:10

Aviimiliri vosi, avaadukana viiganihize avandu vange, vaveeye avavoku! Sivamanyi kindu kali hakuzu mba. Vaveeye kuli zimbwa zidimbidi, izitalokaa. Vagona hasi vuzwa nokoloota maloto. Vayaanza kogona zindoolo!

Matayo 15:14

“Mutavahendera mwoyo mba. Vaveeye aviimiliri vavoku. Umboku niyimilira umboku, vombi valagwa mu vogo.”

Matayo 4:16

Avandu vaali nivamenya mu kisundi valoli uvulavu vonene. Kandi yavo avaamenyaa mu kivala chi chiriri chi likuza, uvulavu vong'ereng'ani kuvo!”

Matayo 5:14

“Munyi muveeye kuli uvulavu vwi lirova liosi! Lidaala liumbakwa ku kiguru silinyala kuviswa mba.

Matayo 6:23

Navuzwa emoni yooyo neveeye indamanu, muviri gugwo gwosi gulava mu kisundi. Kunangwa niiva uvulavu voveeye mu ivi nivoveeye kisundi, kisundi yicho ne kenene ligali kuvita.

Marko 10:15

Muvooleraa agiligali, umundu woosi utavugilira Uvwami vwa Nyasaye kuli umwana mukekeeke, sialingira muvwo mba.”

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Yohana 9:34

Vaamutivulira, “Ivi wivulwa kandi nuvilukizwa mu wvoni vonene, unyala ndi kwigiza kunyi?” Maku vamukunga kutura mu lisinagogi.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 2:18

ivi wamanya vulaliri vwa Nyasaye kandi kuvugilira gaveeye malungi ligali, kigira wayigizwa mu lilaga,

Varumi 2:20

wevoolera oveeye mwigizi wa vasiru, kandi umwigizi wa vandu vakikiri kuva vadukiru. Oveeye na giligali ndi mu Lilaga oveeye nilimanya liosi kandi agiligali goosi.

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

Vafilipi 2:15

kunangwa muduuki kuva avataveeye nimbara, kandi avasereze kuli avana avadukiru va Nyasaye, avamenyaa mu kivala cha avandu avagoyanu kandi avoni. Kuduuka mung'ereng'ane hagati haavo kuli zing'ereng'ani mwigulu,