Varumi 2:17 - KITABU KITAKATIFU

¹⁷ Niiva wilangaa Muyuda, ivi weleedaa ku Lilaga, kandi wiyizominya kigira uvwiko vuvwo ku Nyasaye;

Varumi 2:17 ပူးပေါင်းရင်းမြစ်များ

Zaburi 135:4

Yahova yatovola Yakobo kuva weve umwene, kandi yatovola avandu va Isiraeli kuva mwandu gwigwe mwene.

Isaya 45:25

Inzi Yahova ndasora visukululwi viosi via vandu va Isiraeli, kandi valahaana lisaandiza ni lizominya ku inzi.”

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Matayo 3:9

Mutiganaganyia aveene kovora, ‘Kunyi koveeye na guuga wiitu Aburahamu!’ Muvooleraa agiligali, Nyasaye anyala kolombera Aburahamu avana kutura ku magina yaga.

Luka 10:28

Yeso yamuvolera, “Utivuuyi vulahi. Kola ndio, na ulanyora livamwoyo litahera mba.”

Yohana 5:39

Munyi musomelera mu Mang'oda Matakatifu nimuganagana ndi mulanyola livamwoyo litahera mugo; Navuzwa Mang'oda Matakatifu gene yaga amolomaa kondolekiza!

Yohana 5:45

Mutaganagana ndi ninzi uli muyaara ku Baba mba. Musa uwa munyi mwaviika mu lisuuvirizwa lienyu niyie ulimuyaala.

Yohana 7:19

Musa si yamuha Lilaga? Kali ndio sihaveeye ho kali nu mundu mulala ku munyi olondaa Lilaga. Kigira ki mwenya kunzita?”

Yohana 8:33

Navo vativura, “Kunyi koveeye visukululwi via Aburahamu, kandi kunyi kukiri kuva avatugwa vu mundu woosi mba. Gaveeye ndi ivi ovola, ‘Mulava no vovoholore?’ ”

Yohana 8:41

Munyi mukoraa aga avaguuga vinyu vaakora.” Navo vamuvolera, “Kunyi sikoveeye avana vindasimba mba! Koveeye na Baba mulala, naye ni Nyasaye.”

Varumi 2:23

Wiyizominya ndi oveeye ni Lilaga lia Nyasaye, navuzwa uhaanaa zisoni ku Nyasaye ku livunaga Lilaga?

Varumi 3:27

Kunangwa kindiki kinyala kokolomba kwiyizominye? Kindu mba! Kandi yaga gaveeye ku kivuni ki? Ni kigira kunyi kutizaa Lilaga? Awa! Navuzwa kigira Lisuuvira.

Varumi 9:32

Kigira ki? Kigira sivalonda lisuuvira mba, navuzwa valonda vikolwa viavo. Nandio vamali kwikigatira ku “Ligina liu kwikigitariza”

2 Vakorintho 11:22

Yavo ni Avaheburaina? Kali inzi mbeeye. Vaveeye avandu va Isiraeli? Kali mbeeye. Vaveeye avandu va Isiraeli? Ku inzi mbeeye. Vaveeye visukululwi via Aburahamu? Kali inzi mbeeye.

Vagalatia 2:15

Agiligali kunyi aveene koveeye Avayuda mu liivulwa lietu na sikoveeye “Avandu vizihiiri voni” kuli yavo valangwa mba.

Vafeso 2:11

Kunangwa mwizurizi ndi mwaali vandu vizihiiri ku liivulwa maziambiri. Mwalangwa, “avatakevwa,” na Avayuda avilangaa “avakevwa,” yili ni likevwa liu muviri.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.

Likunula 3:1

“Ng'odera engelosi wi likanisa liveeye Saride: “Yaga nigo amakuva ga uyu oveeye na Roho saba va Nyasaye, nizing'ereng'ani saba. Inzi manyi miyinzi jijo. Ololekaa kuva mwoyo, navuzwa wakuza.

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.