Varumi 2:14 - KITABU KITAKATIFU

¹⁴ Avandu vi zihiiri sivaveeye ni Lilaga lia Musa mba; navuzwa lwa vakora vindu veene mu liyaanza liavo gi Lilaga lienyaa, aveene vaveeye Lilaga, kali niiva sivaveeye ni Lilaga.

Varumi 2:14 ပူးပေါင်းရင်းမြစ်များ

Vikolwa 10:35

Mundu wi ihiiri yoosi utizaa Nyasaye no kokora agaveeye amalungi avugilirwa naye.

Vikolwa 14:16

Mu zing'inga ziavita Nyasaye yahaana vovoholore ku zihiiri ziosi zikole aga ziyaanzaa ziene.

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Varumi 1:32

Kali niiva vamanya lilago lia Nyasaye livoora ndi, avandu vamenya munzira yiyi vaduukana likuza. Nitali sigaveeye vuzwa yavo vazizagilira kokora ivindu viene yivi, navuzwa vavugilira avandu vandi vakolaa vindu zana yivi.

Varumi 2:12

Avandu vosi vamali kokora vwoni vugira kumanya Lilaga lia Musa valadiva vugira lilaga. Avandu vosi vakola vwoni nivamanya Lilaga, valakalagirwa kolondekana ku Lilaga.

Varumi 2:15

Miima niliiva liavo vimanyia ndi, agi Lilaga lienyaa gang'odwa mu mioyo jaavo. Zing'anagani zie mioyo jaavo zilolekizaa giligali, kigira ing'inga ndala zivayaalaa, kandi ing'inga yindi zivaveraa.

Varumi 2:27

Kunangwa Avayuda mulakakalagirwi na vandu Avizihiiri kigira muvunagaa Lilaga, kali nigava mwamala kuling'oda hasi kandi mukevwa; navuzwa vahuliraa lilaga kali niiva sivakevwa ku miviri mba.

1 Vakorintho 11:14

Kali iliiva lia Nyasaye yalombera mu vindu limwigizaa ndi umundu musaza kuva ni liisu litambi ku mutwi gwigwe ziveeye zisoni kuye,

1 Vakorintho 9:21

Munzira ndala nzere, lwa nyinziraa harara na vandu vizihiiri, menyaa kuli vandu vizihiiri, vugira kolonda Lilaga lia Vayuda. Ngolaa ndio kunangwa nduuki konyoora vandu vizihiiri vaze ku Kristo. Yaga sigamanyia ndi inzi menyaa ichova wi Lilaga lia Nyasaye mba; inzi nondaa ligali Lilaga lia Kristo.

Vafeso 2:12

Mwizurizi ndi ing'inga yeyo, mwaali ni mwavukanywa kutura ku Kristo. Mwaali avageni kandi simwali valala ku avandu vatovole va Nyasaye mba; simwali ni lisanga mu malagano gi lisuuvirizwa lia Nyasaye ku avandu veve mba. Mwamenya mu lirova linu vugira lisuuviriza kandi vugira Nyasaye.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Kwidzulitsa 4:7

“Sihaveeye ho nihiiri yindi, kali neveeye enene, eveeye na nyasaye oveeye ahimbi ligali kuvo lwa vamwenyaa kuli Yahova Nyasaye wiitu aveeye ku kunyi mba. Akutivulira lwa kumwaniraa.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.