Varumi 16:5 - KITABU KITAKATIFU

⁵ Mirembe jange kandi jiduuki ku likanisa livuganiraa munyumba yaavo. Mirembe jange jiduuki kandi ku Epainito mulina wange muyanze, waali wu kutanga mu kivala cha Asia kusuuvira mu Kristo.

Varumi 16:5 ပူးပေါင်းရင်းမြစ်များ

Matayo 18:20

Kigira hoosi ha vavugani vaviri anoho vavaga ku lieta linage, inzi mbeeye hagati haavo.”

Vikolwa 16:6

Vavitira muvivala via Furija na Galatia, kigira Roho Mutakatifu siyavavugilira vilwaze likuva yilio mu kivala cha Asia mba.

Vikolwa 18:12

Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Vikolwa 18:27

Lwa Apolo yenya kuzia Akaya, vamiitu avasuuviraa mu Efeso vamuzuva nivang'odera vandu avasuuviraa mu Akaya vamwingirizi. Lwa yaduuka yo, yakoonya ligali avaamitu vaali nivasuuvira kuvitira mu vunyali vwi zimbavasi zia Nyasaye.

Vikolwa 2:9

Avalala ku kunyi vaveeye Avaperezi, Avamedi na avandi ni avandu va Mesopotamia, Ivuyuda, Kapadokia, Ponto na Asia,

Varumi 11:16

Niiva kedonye chu kutanga chu mugadi kihanwa ku Nyasaye, kunangwa mugadi gwosi goveeye gwa Nyasaye, kandi niiva imiliju musaala jihaanwa ku Nyasaye, iziisia nazio ni zia Nyasaye.

Varumi 15:26

Makanisa gaveeye mu Makedonia na Akaya gayaanzi kuhaana kihanwa chavo kokoonya avadaka hagati ha vatakatifu vamenyi mu Jerusalemi.

Varumi 16:12

Mirembe jange jiduuki ku Turufena na Turufosa avayinziraa mu vutumiki vwu Mwami, harara na Berisi, umulina wange muyanze wakolera Mwami miyinzi minyingi.

Varumi 16:4

Yava vaviika livamwoyo liavo muvuhimwa kigira inzi. Mbeeye ni lisandiza ligali kuvo. Siaveeye inzi nzienyine, navuzwa amakanisa goosi aga vandu vizihiiri.

Varumi 16:6

Mirembe jange jiduuki ku Maria, wamukolera miyinzi minyingi nu vugulu.

Varumi 16:8

Mirembe jange jiduuki ku Ampiliato, mulina wange muyanze mu Mwami.

1 Vakorintho 16:15

Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

1 Vakorintho 16:19

Amakanisa goosi ga Asia gaamuchelizi. Akwila na Berisila, harara na vandu vosi vi likanisa lia Nyasaye avaveeye munyumba yaavo vamuchelizi mu Mwami nu mwoyo gwosi.

2 Vakorintho 1:1

Inzi Paolo, mutumwa wa Kristo Yeso mu vulaliri vwa Nyasaye, na amiitu wiitu Timateo, kong'oderaa munyi likanisa lia Nyasaye mu Korinzo, kandi ku Vakrisitayo vosi avaveeye mu kivala choosi cha Akaya.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

Vakolosai 4:15

Munjeliziri avaamitu vaveeye Laodikia, na Nifa, kandi likanisa livuganiraa munyumba yeeye.

Filemona 1:2

harara ni likanisa livuganiraa munyumba yooyo, mbozwa wiitu Afia kandi Arikipo, umusikari wache wiitu.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

3 Yohana 1:1

Inzi Umukulundu, ng'oderaa ivi mulina, muyanze wange, Gayo, wa nyanza agiligali.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.