Varumi 16:4 - KITABU KITAKATIFU

⁴ Yava vaviika livamwoyo liavo muvuhimwa kigira inzi. Mbeeye ni lisandiza ligali kuvo. Siaveeye inzi nzienyine, navuzwa amakanisa goosi aga vandu vizihiiri.

Varumi 16:4 ပူးပေါင်းရင်းမြစ်များ

2 Samweli 22:41

Ivi okolaa vasigu vange ukwiruka kutura ku inzi; Ndivizaa yavo avandunyira.

Mika 2:3

Kunangwa Yahova avoora, “Saaviraa koleta kivi ku munyi, na simulakahononoke kucho mba. Muzizaa kunyooleka munyi vene mu vudinyu, maku simulagenda ni liegingira kandi mba kigira ilava ing'inga yi kivi.

Yohana 15:13

Uvuyanzi vonene kuvita vwosi vwu mundu anyala kuva navwo ni yivu, mundu ahaane livamwoyo lilie kigira avalina veve.

Vikolwa 15:26

Avandu yava vihaana kogotiza livamwoyo liavo kuvitira mu vudinyu vwosi kigira lieta liu Mwami wiitu Yeso Kristo.

Vikolwa 15:41

Vavitira Siria na Kilikia nivadinyirizaa amakanisa.

Vikolwa 16:5

Kunangwa makanisa gameeda kuva zinguru mu lisuuvira, ni livaliza lia vandu vasuuvira liameeda madiku goosi.

Vikolwa 9:31

Ing'inga yeyo likanisa liali ni mirembe hoosi mu Vuyuda, Galilaya, na Samaria. Liumbakwa niliviruka mu liitia Mwami, nilimedeka koleminywa mwoyo kuvitira mu Roho Mutakatifu.

Varumi 16:3

Ndumaa mirembe jange ku Berisila na Akwila, avayinziri vache vange mu vutumiki vwa Kristo Yeso.

Varumi 16:5

Mirembe jange kandi jiduuki ku likanisa livuganiraa munyumba yaavo. Mirembe jange jiduuki kandi ku Epainito mulina wange muyanze, waali wu kutanga mu kivala cha Asia kusuuvira mu Kristo.

Varumi 5:7

Sivoveeye vodoto umundu kukuzira mundu wundi mulungi mba. Hawundi ganyala kuva mundu anyala kuluvilira kukuzira mundu mulahi!

1 Vakorintho 16:1

Kalunu, kolondekana na mateeva ginyu ga mwang'odera kigira mabese gi sadaka ivungizangwa kokonya avatakatifu vaveeye mu Vuyuda. Munyi kuduuka mukore kuli ndavolera amakanisa ga Vagalatia kokola.

1 Vakorintho 7:17

Gaduukanaa vuli mundu amenye kolondekana ni kihanwa chu Mwami Yeso Kristo yamuha kandi kuli yaali lwa Nyasaye yamulanga. Yili nilio lilago liange lia nzigiza mu makanisa goosi.

Vafilipi 2:30

Yavika livamwoyo lilie liosi mu uvuhiimwa, kali naava ahimbi kukuza kigira imiyinzi ja Kristo. Yiviika mu uvuhiimwa ni yenya kongonya ligali kuvita munyi.

1 Vatesalonike 2:14

Avaamitu viitu, vindu vilala viele viekoleka ku munyi kuli viekoleka ku makanisa ga Nyasaye agaveeye mu Vuyuda, ku avandu vaveeye yo avaveeye va Kristo Yeso. Munyi kandi mwadambizwa lidambizwa lilala liere kutura ku vandu vi kivala chiinyu aveene, kuli vadambizwa kutura ku Vayuda;

Joshua 10:24

Lwa vaali nivakaleetwa ku Joshua, Joshua yalanga avasaza vosi va Isiraeli vaze kuye, kandi yalaga vimiliri vi liihi vazie harara naye, “Hambi imbiri yinu na muviiki virenge vienyu ku magoti ga vami yava.” Kunangwa vaza imbiri, kandi nivaviika zinduvatiru zie virenge viavo ku magoti gaavo.

1 Yohana 3:16

Ku lwa yago kunyi kwamanya uvuyanzi voveeye ki: Kristo yakuzira kunyi mu liehaana lie livamwoyo lilie. Kunangwa gakuduukiraa kuhaane livamwoyo lietu kigira avaamitu viitu.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;