Varumi 16:2 - KITABU KITAKATIFU

² Mumuvugiliri mu lieta liu Mwami, kuli gaduukiraa Avakristayo vache, kandi muhaane kuye ovokonyi vwosi vwa yakava niyenya kutura ku munyi; kigira mwene yaveyange mulina wovokonyi ligali ku vandu vanyingi, kandi ku inzi mwene.

Varumi 16:2 ပူးပေါင်းရင်းမြစ်များ

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Vikolwa 9:13

Navuzwa Anania yativura, “Mwami, ndaahulira amakuva gu mundu oyo ku avandu vanyingi. Ndaahulira vindu vidamanu via yakola ku avandu vovo mu Jerusalemi.

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Vikolwa 9:36

Yaali ho mukali mulala mu lidaala lia Jopa walangwa Tabita. Mu Luguriki ni Torokasi, ligirung'anyia lialio ni kisusu. Mukali uyu yakola miyinzi milahi jokokoonya avadaka kazozo.

Vikolwa 9:39

Kunangwa Petero yetegeka nazia navo. Lwa yaduuka yahilwa mu keng'oze igulu. Avakunzakali vanyingi vakumbiriza Petero nivalira ni vamumanyia amakooti ni zinguvu zia Tabita yanavaa lwa yaali nakikili mwoyo.

Vikolwa 9:41

Petero yamugumira mukono namukoonya kusingira; yalanga avandu vatakatifu navakunzakali, namuhaana kuvo naveeye mwoyo.

Varumi 15:7

Kunangwa, muvugilizane aveene naveene kuli Kristo amali kumuvugilira muduuki kwizominya Nyasaye.

Varumi 16:15

Mirembe ku Filologo na Yulia, Nerea na mbozo weve, kandi Olimpa, kandi ku Avakristayo vosi avaveeye harara navo.

Varumi 16:23

Mugenihizi wange Gayu, kandi wi likanisa livuganiraa munyumba yeeye, amuchelizi. Erasito, umuviiki wi miandu ji lidaala linu, harara na Kwaritasi amiitu wiitu, vamuchelizi. [

Varumi 16:6

Mirembe jange jiduuki ku Maria, wamukolera miyinzi minyingi nu vugulu.

Varumi 16:9

Mirembe jange jiduuki ku Uribanusi, muyinziri wache wiitu mu vutumikiri vwa Kristo kandi Sitaki mulina wange.

Vafeso 5:3

Kigira munyi muveeye vandu va Nyasaye, sivaveeye vulahi amakuva goosi go voheyi, anoho komenya mu miima midamanu jovoheyi, anoho likayirwa, nu uvuviti vitalwe hagati hinyu kali hakuzu mba.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 2:29

Mumwingirizi nu uvusangari vwosi kuli aminyu mu Mwami. Muhaane uluyali ku avandu avaveeye kuli oyo,

Vakolosai 4:10

Arisitariko, oveeye muhambe harara na inzi umuchelizi kandi Mariko, musiala wa Baranaba wa mwahulira malago kigira ye; niiva aladuuka ku munyi; mumwingirizi.

Tito 2:3

Wigizi kandi avakeere vave nuluyali lulahi mu miima jaavo; vatava avahuzirizi, anoho avayaanzaa amalwa. Gavadukiraa vigizi agaveeye amalahi.

Filemona 1:12

Nguyu mutumaa yirani ku ivi kandi aveeye umuyanze wu mwoyo gwange ligali.

Filemona 1:17

Kunangwa, niiva uganaganaa kuvugiliraa inzi kuva kuli umulina woovo, mwaza mwingilizi yirani ku ivi kuli unyala kunzingiriza.

2 Yohana 1:10

Mundu niyazaa ku munyi nanavula koleta amigizu yaga, mutamwingirizi mu zinyumba zienyu, kandi mutamucheliza mba.