Varumi 15:30 - KITABU KITAKATIFU

³⁰ Kunangwa avaamitu vange, mugoonyaa ligali imbiri wo Mwami wiitu Yeso Kristo, kandi mu vuyanzi vwa Roho ahaanaa, muhambane harara ninzi mu lisaala nu mwoyo gwu vugulu ku Nyasaye.

Varumi 15:30 ပူးပေါင်းရင်းမြစ်များ

Zaburi 143:10

Ivi oveeye Nyasaye wange; unzigize kokora uvulariri vuvwo. Roho gugwo umulahi gunzimiliri kunzira yu vulungi.

2 Vakorintho 1:11

kuli munyi mukokonyaa kandi munzira ya masaala ginyu kigira kunyi. Galava ndi, amasaala manyingi kigira kunyi galanyoola mativuli, kandi Nyasaye alagasiza kunyi; kandi vanyingi vizominyaa Nyasaye mu lisandiza kigira kunyi.

2 Vakorintho 12:10

Sangala mu vodedekere, amanyego, uvudinyu, lidambizwa nu vudinyu vwosi kigira Kristo. Lwa inzi mbeeye umudedekere, nilwo lwa mbeeye ni zinguru.

2 Vakorintho 4:11

Mu livamwoyo lietu liosi kovezaa kazozo mu vuhiimwa vwu kwitwa kigira Yeso, kunangwa livamwoyo lilie liduuki kololeka havulavu mu miviri jiitu ji likuza.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vafeso 6:19

Musaliri kandi kunangwa Nyasaye aduuki kuhaana ku inzi chanyala kovora lwa moloma nuvuluviliri, nokuvuula agaviswa gi Ivangeri.

Vafilipi 2:1

Ilivamwoyo lienyu mu Kristo limukolaa kuva ni zinguru, kandi uvuyanzi vwivwe vumuleminyaa umwoyo. Muveeye ni lisanga harara na Roho kandi muveeye nu mwoyo umulahi kandi muveeye nizimbavasi kandi liverererana vene naveene.

Vakolosai 1:8

Niyie wakovolera uvuyanzi vwa muveeye navwo vwa Roho.

Vakolosai 2:1

Nyenya mumanye miyinzi midinyu jandaakola kigira munyi, kandi kigira avandu avaveeye mu Laodikia, kandi kigira avandi vosi avakikiri kundola moni namoni.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

1 Vatesalonike 5:25

Avaamitu viitu, mukusaaliri kandi.

2 Vatesalonike 3:1

Mulimaliriza, avaamitu viitu, mukusaaliri ndi likuva liu Mwami liduuki kulanda vwangu kandi livugilirwi nu luyali kuli liali hagati hinyu.