Varumi 15:26 - KITABU KITAKATIFU

²⁶ Makanisa gaveeye mu Makedonia na Akaya gayaanzi kuhaana kihanwa chavo kokoonya avadaka hagati ha vatakatifu vamenyi mu Jerusalemi.

Varumi 15:26 ပူးပေါင်းရင်းမြစ်များ

Tsing'ano 14:21

Mundu uchayaa mutende weve akolaa uvwoni, navuzwa aveeye nu vugasu oyo oveeye nizimbavasi ku vadaka.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 17:5

Mundu osekerizaa umudaka anyegaa Nyasaye wamulomba. Oyo uyaanziliraa kivi alanyoola mageri.

Zekaria 11:11

Maku lilagana liatulizwaho lidiku yilio, na yavo avakolaa likiranya lia magondi vambenzaa kandi vamanya ndi Yahova ya molomaa kuvitira mu vindu viandakolaa.

Zekaria 11:7

Yavo avakolaa likiranya lia magondi vambugura kuvayira, kandi ndagwa mwayi wa magondi gaziza kwitwa. Ndaavugura zimbimbu ziviri; indala ndaagigulika “Kuyaanzilira” ni yindi ndaagigulika “Uvuhambani.” Ndaaya magondi.

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 26:11

Munyi mulava na vadaka vuli kazozo, navuzwa simulava ninzi amadiku goosi mba.

Luka 14:13

Navuzwa niwenya kolomba lilia ulange avadaka, avalema avadekerana na avavoku,

Luka 6:20

Yeso yahenza aviigi veve navoora “Muveeye nu vugasu munyi avaveeye avadaka; kigira Uvwami vwa Nyasaye nu vwinyu!

Vikolwa 16:12

Kutura uwene yeyo kwazia ni kuduuka ha Filipi, lidaala linene lio losoma lwu kutanga lwa Makedonia, kandi liveeye lidaala liamifwa na Varumi. Kwamenya mu lidaala yilio madiku manyingi.

Vikolwa 16:9

Uvudiku yivwo Paolo yalora malola ndi aloli mundu mulala watura Makedonia usingiyi yo na amugoonya, “Yambuka, uzi Makedonia okokonye.”

Vikolwa 18:12

Navuzwa ing'inga ya Galio yaali mwamihi wa Akaya, Avayuda vingilira Paolo nu mwoyo mulala nivamuhila mu kiyaalo chi likalaga.

Vikolwa 19:21

Inyima wa makuva yago, Paolo yatovola kuzia Jerusalemi, naavitira Makedonia na Akaya. Yavoola, “Nimali kuduuka yo, galaniga kuzia Rumi kandi.”

Vikolwa 9:13

Navuzwa Anania yativura, “Mwami, ndaahulira amakuva gu mundu oyo ku avandu vanyingi. Ndaahulira vindu vidamanu via yakola ku avandu vovo mu Jerusalemi.

1 Vakorintho 16:15

Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

1 Vakorintho 16:5

Ndakaaze ku munyi nindakamara kuvitira Makedonia, kigira nzetegekaa kuvitira yo.

2 Vakorintho 1:16

Ndaalohiza kumuluuta mu logendo lwange lwu kuzia Makedonia, na lwanzirana nduuki konyoora limanulwa kutura ku munyi kigira logendo lwange lwu kuzia Ivuyuda.

2 Vakorintho 11:9

Lwa ndaali harara ni munyi nokogehera vindu, sindamunyangiza kigira vokonyi lwa ndaali nilienya mabese mba; avaamitu vaatura Makedonia vandetera viosi via ndaali ningeheywe. Kuli mu maziambiri kandi mu madiku gaaza: Sindava musigo kumunyi kandi mba.

2 Vakorintho 2:13

Navuzwa ndaadegela ligali, kigira sindanyoola amwavo wiitu Tito mba. Kunangwa ndavasivula vosi ninzia Makedonia.

2 Vakorintho 7:5

Lwa kwaduka Makedonia si kwaali kunyala kosoosa mba. Vudinyu vwali ho havundu hoosi; ovolembani na vandi, kandi uvuti vwali mu mioyo jietu.

2 Vakorintho 9:12

Likora miyinzi milahi yiji sililakoonya vudaka vwa vatakatifu venyine mba, navuzwa lilalomba kandi vandu vanyingi kusandiza Nyasaye mu lizominya.

2 Vakorintho 9:2

Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana.

2 Vakorintho 9:4

Niiva vandu valala kutura Makedonia valaza harara ninzi, ma vanyoore nimutetegeki, sikulavoola kindu ku munyi mba. Kulava nizisoni kigira kwaali ni lisuuvira linene mu munyi.

Vafilipi 4:15

Munyi Avandu va Filipi mumanya vulahi ligali lwa ndaatula Makedonia, mu madiku gu kutanga gukwilwaza Ivangeri, ni munyi veng'ine avamwangoonya. Nimunyi veng'ine vandetera vihaanwa.

1 Vatesalonike 1:7

Munyi mwamanya ni muva kelolero ku vandu avasuuviraa vosi mu Makedonia na Akaya.

1 Vatesalonike 1:8

Siliali kigira likuva liu Mwami lienyine kutura ku munyi ilialanda mu Makedonia na Akaya mba, navuzwa amakuva gi lisuuvira lienyu mu Nyasaye gamali kuhulirika havundu hoosi. Kunangwa sikunyala kuva ni kindu cha kovora mba.

1 Vatesalonike 4:10

kigira mukoraa likuva yilio ndio, kuyaanza avamwavo vosi avaveeye mu Makedonia mwosi, avaamitu viitu kunyi kumuzuva mumeede kokora ndio ligali.

Filemona 1:5

kigira mbulira amakuva goosi guvuyaanzi vuvwo ku vandu va Nyasaye vosi kandi lisuuvira lia oveeye nalio mu Mwami Yeso.