Varumi 15:2 - KITABU KITAKATIFU

² Muvwiyangu yivwo, sa mulala ku kunyi, gamudukira ayaanzize mutende weve ku vulahi vwivwe umwene. Gakuduukiraa kokole ndio kunangwa kuduuki kumwumbaka mu lisuuvira.

Varumi 15:2 ပူးပေါင်းရင်းမြစ်များ

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

1 Vakorintho 10:23

“Kuvugilirwaa kokora vindu viosi,” yago gaveeye agiligali. Navuzwa siviveeye ni viosi viveeye novokoonyi mba. “Kuvugilirwa kokora vindu viosi,” navuzwa siviveeye ni viosi vikwumbaka mba.

1 Vakorintho 10:24

Mundu ateyenyera uvugasu vwivwe mwene, navuzwa uvugasu vwu wundi.

1 Vakorintho 10:33

Mukore kuli inzi ngolaa. Ngerizaa kuyaanziza avandu vosi mu vindu viosi vaangora vugira kweyenyera lizominywa, navuzwa lizominya lia vosi, kunangwa vosi vanyoore ovohonyi kuli inzi.

1 Vakorintho 13:5

Uvuyanzi sivoveeye ni miima midamanu, anoho nu vwimani anoho uvutima vwa vwangu mba; sivusangaliraa vudamanu mba.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

1 Vakorintho 14:3

Navuzwa uyu oporofetaa avooreraa vandu vindu viu kuvumbaka, kuvazuva kandi kuvaleminya mioyo.

2 Vakorintho 12:19

Hawundi muganaganaa ndi kuduuka kalunu kwagerizaa kwikinga imbiri winyu! Awa! Kovora vindu yivi imbiri wa Nyasaye nikoveeye mu Kristo. Vindu yivi viosi, avalina vayanze vange, vikolwaa kunangwa munyi muduuki kwumbakwa.

2 Vakorintho 13:9

Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru.

Vafeso 4:12

Yakola ndio kwetegekiza Avakristayo vosi ku miyinzi ju vutumwa vwu Vukristayo kunangwa aduuki kwumbaka muviri gwa Kristo.

Vafeso 4:29

Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.