Varumi 15:19 - KITABU KITAKATIFU

¹⁹ kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

Varumi 15:19 ပူးပေါင်းရင်းမြစ်များ

Matayo 12:28

Navuzwa inzi niimba ni ngungaa amademoni kuzinguru zia Roho wa Nyasaye, kunangwa mumanye ndi uvwami vwa Nyasaye vumali kuduuka ku munyi.

Yohana 4:48

Yeso yamuvolera, “Munyi nimutaloli vilolekizu ni viokogenyia, simunyala kusuuvira mba.”

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 13:14

Navuzwa yavo vazizagilira nologendo kutura Periga, nivaduuka mu lidaala lia Andiokia mu kivala cha Pisidia. Lidiku lie Lisabato vingira mu lisinagogi nivikara.

Vikolwa 13:51

Navuzwa avatumwa vavungulura luguchi lwali mu virenge viavo love kelolero chi likalaga kuvo, ma nivazia Ikoniamu.

Vikolwa 14:10

yavoola nu mwoyo munene, “Singira vulungi!” Mulema oyo yasingira vwangu na atangaa kogenda.

Vikolwa 14:20

Navuzwa lwa vandu avasuuviraa vamukumberiza, yasingira niyiirana mu lidaala. Nu mugamba gwalonda ku, yatura harara na Baranaba nivazia Deribe.

Vikolwa 14:25

Inyima wu kwilwaza likuva mu Periga vazia Atalia.

Vikolwa 14:6

Lwa Avatumwa vahulira agene yago, virukira Lusitura na Deribe amadara ga Lukaonia, nu mu kivala chahimbi.

Vikolwa 15:12

Kiduma choosi chakiring'ana; nivahuliriza Baranaba na Paolo nivivalanga vilolekizu ni viokogenyia via Nyasaye yakola kuvitira muvo na amakono gaavo mu avandu vi Zihiiri.

Vikolwa 16:18

Yamenya na akolaa ndio amadiku manyingi, kuduuka lidiku lilala Paolo yavihilirwa nagirung'ana navolera lidemoni yilio, “Ngulaga ku lieta lia Yeso Kristo, tula muye!” Lidemoni yilio liatura ing'inga yeyo.

Vikolwa 17:10

Nonoho vudiku yivwo, avaamitu yavo vatuma Paolo na Sila vazie Berea. Lwa vamala kuduuka yo, vazia mu lisinagogi lia Vayuda.

Vikolwa 17:15

Avaamitu yavo avahereka Paolo vazia kumuduukiza Azene. Maku virana na malago kutura ku Paolo ndi Sila na Timateo vamulondelere vwangu kuli ganyalika.

Vikolwa 18:1

Inyima wa yaga, Paolo yatura Azene, nazia Korinzo.

Vikolwa 18:19

Vaduuka Efeso, aha Paolo yaleka Berisila na Akwila. Yingira mu lisinagogi, natanga komoloma na Vayuda.

Vikolwa 19:1

Ing'inga ya Apolo yaali mu Korinzo, Paolo yaali navitiraa mu kivala yicho ma naduuka Efeso. Yanyoora yo vandu avasuuviraa valala

Vikolwa 20:20

Mumanyi vulahi sindaaleka kali hakuzu kumwilwazira imbiri wa vandu vosi, kandi mu zinyumba zienyu; nimwigiza goosi aganyala kumukonya.

Vikolwa 20:6

Inyima wa madiku gi Migadi jitali na Mamera, kwanina mu liato kutura Filipi, na inyima wa madiku gatano kwaduka kuvo mu Turoasi. Kwamenya yo lisiza lilala.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Varumi 15:24

ndohizaa kokora ndio kalunu lwa nambe ninziza mu kivala cha Sipeini. Suuviraa ndakamugenihi lwa naambitili yaho, kandi nyenya mungonye ku logendo lwene yilwo nduhi nduuki Sipeini nindakamara kusangara ni munyi ku ing'inga ngekeeke yene yeyo.

1 Vakorintho 2:4

liegiza liange nililwaza liange siliali na makuva govogeri vutambi vwa vandu, navuzwa namakuva gi zinguru zia Roho wa Nyasaye.

2 Vakorintho 12:12

Vilolekizu vinyingi kandi agokogenyia manyingi ga havulavu galolekizaa ndi inzi mbeeye mutumwa wagiligali, viekoleka hagati hinyu nu vwikuziri vunyingi.

Vagalatia 3:5

Nyasaye ohezaa munyi Roho, kandi okolaa vilolekizu hagati hinyu, akolaa vindu yivi viosi kigira mulonda agi Lilaga lienyaa, anoho kigira muhulira Ivangeri nu kugasuuvira?

Vakolosai 1:25

Kandi mali kokolwa mutumikiri wi likanisa na Nyasaye uwahaana ku inzi muyinzi gwu vulindi yigu ngole kigira uvukala vwinyu. Goveeye muyinzi gwu kwilwaza likuva lia Nyasaye.

1 Vatesalonike 1:5

Ivangeri yitu siyaduuka ku munyi mu makuva ameere mba, navuzwa mu zinguru, kandi mu Roho Mutakatifu; kandi mu lisuuvira liveeye liagiligali. Munyi mumanyi vulahi liiva lie limenya lietu lwa kwaali ni munyi. Gaali kigira valahi vwinyu.

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.