Varumi 15:16 - KITABU KITAKATIFU

¹⁶ nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Varumi 15:16 ပူးပေါင်းရင်းမြစ်များ

Livalidza 7:62

Kandi yahaana ibakuli indala yi zahabu yuvulitu ziguramu 110 ni yizuuyi kimuli kifunyaa mwayu,

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 20:32

“Kunangwa kalunu ndi muviika mu vulindi vwa Nyasaye kandi mu likuva lie zimbavasi zizie, liveeye nu vunyali vwu kumwumbaka nu kumuha vugasu vwa yavikira avandu veve.

Vikolwa 22:21

Navuzwa Mwami yambolera, ‘Zia, kigira ndakutuma ihale ku avandu vi Zihiiri zindi.’ ”

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 11:13

Kalunu molomaa kumunyi vandu vizihiiri. Lwa ngikiri mutumwa ku munyi nziyizominyaa ku miyinzi jange.

Varumi 15:18

Ndakaluviliri kovora kindu kindi choosi ni kitali vuzwa cha Kristo Yeso yakola kuvitira mu inzi kwimilira vandu vizihiiri vaduuki kuhulira Nyasaye. Yakola ndio mu makuva nu mu vikolwa,

Varumi 15:19

kuzinguru zie vilolekizu ni viokogenyia, harara ni zinguru zia Roho Mutakatifu. Kunangwa, mu ligenda hoosi, kutura Jerusalemi kuduuka Iliriku, mali kwilwaza makuva malahi goosi ga Kristo.

Varumi 15:20

Likayirwa liange kazozo liveeye kwilwaza makuva malahi hoosi hi lieta lia Kristo likikiri kutalwa, gase ndumbaka ku musingi gwu mundu wundi.

Varumi 15:29

Manyi vulahi ndi lwa ndiza ku munyi, ndakaaze mu vuduukiru vwosi vwu vugasu kutura ku Kristo.

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.

1 Vakorintho 3:5

Kunangwa Apolo nivwaha? Kandi Paolo nivwaha? Kunyi koveeye vuzwa avatumikiri va Nyasaye, ava mwanyoolera mu lisuuvira, kuli Mwami yahaana ku vuli mulala ku kunyi kokora muyinzi.

1 Vakorintho 4:1

Kunangwa gadukanaa avandu vakuvuguli kuli koveeye avatumikiri va Kristo, avahevwe vunyali vwu kwilwaza agaviswa giligali ga Nyasaye.

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

2 Vakorintho 11:23

Yavo vaveeye avatumikiri va Kristo? Inzi mbeeye mutumikiri mulahi wa Kristo ligali kuvavita; mboraa yaga kuli umulalu. Mali kuyinzira vudinyu ligali mali kuvikwa mu vuhambe haali kanyingi. Mali kukuywa haali kanyingi ligali, kandi mali kuva ahimbi ku likuza vuli ing'inga.

2 Vakorintho 5:20

Kunyi koveeye avatumwa va Kristo; Nyasaye mwene atumikiraa kunyi kogoonya munyi. Kumugoonya mu vogono vwa Kristo, muhambanywe na Nyasaye.

2 Vakorintho 8:5

Yicho si chaavita kindu cha kwasuuvira ligali mba! Kutanga vihaana aveene ku Mwami; kandi ku vulaliri vwa Nyasaye, vihaana veene ku kunyi kandi.

Vagalatia 3:5

Nyasaye ohezaa munyi Roho, kandi okolaa vilolekizu hagati hinyu, akolaa vindu yivi viosi kigira mulonda agi Lilaga lienyaa, anoho kigira muhulira Ivangeri nu kugasuuvira?

Vafeso 2:18

Gaveeye kuvitira mu Kristo ndi kunyi kwosi, Avayuda kandi vandu vizihiiri, koveeye avanyala kuuza imbiri wa Baba mu Roho mulala.

Vafeso 2:22

Mu Kristo, kandi munyi kandi mwumbakwa harara na avandu vosi, muduuki kuva vomenyo vwa Nyasaye omenya mu kuvitira mu Roho weve.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

1 Vatesalonike 2:2

Munyi mumanya kuli kwaali ni kusaliriziywi kandi ni konyegeywi mu Filipi nikukiri kuuza ku munyi mu resalonike. Kali niiva vuhing'ani vonene vwali ho, Nyasaye wiitu yakuha uvuluviliri kumuvolera Ivangeri yeeye.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.