Varumi 15:15 - KITABU KITAKATIFU

¹⁵ Navuzwa mu ibarwa yiyi, mbeeye nuvuluviliri ligali ku makuva malala agaamali kumwizuliza. Ngoli ndio kigira zimbavasi zia Nyasaye yamba,

Varumi 15:15 ပူးပေါင်းရင်းမြစ်များ

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 12:6

Kunangwa gakuduukiraa kutumikiri vihaanwa lugano kolondekana ni zimbavasi zia Nyasaye yakuha. Leki kuvitumikiri. Niiva kihanwa chiitu keveeye chovoporofeti, kuduuka kukitumikiri kolondekana ku kegero chi lisuuvira lia koveeye nalio.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

1 Vakorintho 3:10

Nindumikiraa kihanwa cha Nyasaye yamba, ndaakola muyinzi gwu mwumbaki munene wo vogeri, kandi nimbika umusingi, na mundu wundi naye yumbaka kugwo. Navuzwa gaduukiraa mundu sa mulala aheenze vulahi kuli yumbaka kugwo.

Vagalatia 2:9

Yakobo, Petero na Yohana avaloleka kuva nivo aviimiliri vanene, vamanya ndi Nyasaye umali kuhaana ku inzi muyinzi muduukiru, kunangwa vavugilira Baranaba ninzi kuli avasangi muvutumwa. Kunangwa vaakucheliza. Kwavugilizana ndi Baranaba ninzi kokole miyinzi hagati ha vandu vizihiiri, navo vakole miyinzi hagati ha Avayuda.

Tito 3:1

Wizulizi avandu vovo vegehizi ku miihi kandi ku avami, vatie kandi vetegeke kokora gaveeye amalahi munzira yoosi.

Vahebraina 13:22

Ng'onyaa munyi avaamitu vange, muhulirizi nu vwikuziri ku likuva lie lizuvwa yili, kigira ibarwa ya mung'odeye yiyi sieveeye indambi mba.

1 Petro 5:12

Ng'oderaa munyi ibarwa yiyi, Silivano naveeye umukonyeleri wange uwa inzi ndolaa kuva kuli amiitu oveeye umusuuvirifu mu Kristo. Nyenya kudinyiriza munyi nu kwizominya ndi yizi ni zimbavasi zia agiligali zia Nyasaye. Musingiri vudinyu mu zimbavasi yizi.

2 Petro 3:15

Muloraa ndi liekuzira liu Mwami liveeye vwiyangu vwa hanaa kumunyi muduuki kohona kuli Paolo, amiitu wiitu muyanze yaamungodera, natumikira ovogeri vwa Nyasaye yamuha.

1 Yohana 5:13

Inzi ng'oderaa munyi vindu yivi, kunangwa muduuki kumanya muveeye ni livamwoyo litahera mba, munyi avasuuviraa mu mwana wa Nyasaye.