Varumi 14:22 - KITABU KITAKATIFU

²² Kunangwa ulindi lisuuvira lia oveeye nalio ku makuva yaga hagati hoho na Nyasaye woovo. Aveeye nu vugasu umundu utikalagilaa ku yiki cha avugiliraa keveeye kilahi mba.

Varumi 14:22 ပူးပေါင်းရင်းမြစ်များ

Vikolwa 24:16

Ku yaga, nzidinyirizaa kazozo mbula nduuki kuva numwoyo kandi ni zing'anagani zitali nimbala imbiri wa Nyasaye kandi imbiri wa avandu.

Varumi 14:14

Manya kandi mbeeye nagiligali mu Mwami Yeso ndi, sihaveeyeho ni chukulia ku choosi ikitaveeye kilahi ku vwacho mba; navuzwa niiva mundu asuviraa ndi chukulia yiki sikeveeye kilahi kulia, maku sikeveeye kilahi kuye mba.

Varumi 14:2

Lisuuvira lia vandu valala livugilira kulia vindu viosi; navuzwa mundu oveeye mudedekere mu lisuuvira alizaa vuzwa zinguza.

Varumi 14:23

Navuzwa umundu uhayahayiza ku chukulia cha alizaa, Nyasaye amukalagiraa lwa ava nalizaa ichukulia zana, kigira likora lilie sililondekanaa ni lisuuvira mba. Niiva kokora kindu ku choosi ikitalondekanaa ni lisuuvira, keveeye uvwoni.

Varumi 14:5

Vandu valala vaganagana ndi lidiku lilala liveeye lilahi kuvita gandi. Vandu vandi vaganagana ndi madiku goosi gafananaa. Mundu sa mulala atovole agumwoyo gwigwe guganagana.

Varumi 2:1

Vandu valala ku munyi muyaara vandi mu likora madamanu, navuzwa sihaveeyeho ni liesayasaya ku ga mukoraa mba. Lwa mukalagiraa vandi, mwikalagilaa munyi vene, kigira muleleki kuva na mahiolo mu likora vindu vilala viene.

Varumi 7:15

Simanyirizaa ligali aga ngolaa mba, kigira singolaa aga nyenya kokora mba, navuzwa mu vogono yivwo, ngolaa aga inzi ndunyiraa.

Varumi 7:24

O, vaani! Inzi mbeeye umundu waadiva! Niwaha ulimbonyia kutura mu muviri gumbiraa mu likuza yigu?

1 Vakorintho 8:7

Navuzwa, sivaveeye vosi avamanya giligali yaga. Vaveeye ho avandu valala vaanala misambwa, kigira kuduuka kalunu lwa valizaa viukulia kuli yivi valora vikikiri vuzwa viukulia visalisirangwa misaambwa. Na kigira zing'anagani zie mioyo jaavo ziveeye zindedekere, kandi valora ndi zimali kwononywa ni viukulia.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

Vagalatia 6:1

Avaamitu vange, niiva mundu woosi yanyooleki nakora vwoni munyi avaveeye mu Roho gavadukiraa mumukonye vulungi mu vohoma. Navuzwa mwilindi aveene gase na munyi mulagerizwa kandi.

Yakobo 3:13

Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.

1 Yohana 3:21

Avalina avayaanze vange niiva zing'anagani zie mioyo jietu ziivulaa kukukalagira, koveeye nu vuluviliri imbiri wa Nyasaye;