Varumi 14:21 - KITABU KITAKATIFU

²¹ Ni vulahi kuvula kulia inyama, anoho kunwa iwaini, anoho kokora kindu choosi kinyala kokora amwavo woovo akole vwoni.

Varumi 14:21 ပူးပေါင်းရင်းမြစ်များ

Malaki 2:8

“Navuzwa kalunu munyi vasaalisi mumali kugirung'ana kutura kunzira inungi. Amigizu ginyu galombi vandu vanyingi kokora vudamanu. Mumali kuvunaga lilagana lia ndaalomba ni munyi.

Matayo 13:21

Navuzwa sivaveeye nimiri muvo aveene mba. Navo vidinyirizaa mu likuva zana hakekeke vuzwa, ma lwa valora ikivi anoho lidambizwa kigira likuva zana yilio ni lizaa, ahene yaho viranaa inyima.

Matayo 16:23

Navuzwa Yeso yikivuka navolera Petero, “Tula ku inzi Setani! Oveeye chu kwikigitariza ku inzi. Zing'anagani zizio si ziveeye zia Nyasaye, nitali ni zia avandu!”

Varumi 14:13

Kunangwa, kutakalagira vandu vandi mba. Navuzwa mu vogono yivwo, kuduuka mutovole kuvula kokora kindu kinyala kolomba amwavo woovo yikigitali anoho agwi muvwoni mba.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

1 Vakorintho 8:13

Kulwa yaga, niiva chukulia nicho kelombaa amwavo wange kokora vwoni, sindalia inyama kandi mba, gase ndakora amiitu kokora vwoni.

1 Vakorintho 8:9

Muhenze vulahi, mutaleka vovoholore vwinyu yivu vwi likora vove vwu kwikigitariza yavo avaveeye vadedekere mu lisuuvira, ma vagwi muvwoni mba.

Vafilipi 1:10

kunangwa muve avanyala kotovola ivindu viveeye ivilahi ligali. Maku mulava vavoholore kandi avataveeye nimbara yoosi ku Lidiku lia Kristo.

Vahebraina 12:13

Muzizagiliri kogenda kuzinzira zinungi, kunangwa kerenge chaalema kivuli kufogoya, navuzwa mu vogono yivwo kehonywe.

Likunula 2:14

Navuzwa mbeeye na amakuva makekeeke madamanu ku ivi: vaveeye ho na avandu valala ku munyi avalondaa amigizu ga Balaamu, uwigiza Balaki kuli anyala kwimilira vandu Vaisiraeli muvwoni lwa yavavolera valie ichukulia kehevwa imisaambwa kandi kokora voheyi.