Varumi 14:20 - KITABU KITAKATIFU

²⁰ Kunangwa utononyia miyinzi ja Nyasaye amali kolomba kigira viukulia mba. Viukulia viosi ni vilahi kulia, navuzwa ni vudamanu kolomba mundu wundi akole vwoni kigira cha ivi uliizaa.

Varumi 14:20 ပူးပေါင်းရင်းမြစ်များ

Matayo 15:11

Kindu kekolaa umundu kuva mudamanu, si keveeye ikindu kingiraa mu munwa gwigwe mba, navuzwa ikitulaa muye nicho kimukolaa kuva mudamanu.”

Matayo 18:6

“Ku vosi okokora mulala ku vakekeeke yava kuvula kusuuvira mu inzi, vwakaveeye vulahi lugina lonene ni lwakasungiywi mu ligoti lilie ma asiuvwi mu luliva lwinyanza.

Vikolwa 10:15

Mwoyo yigwo gwahulirika kandi haali kaviri ni gumuvooleraa, “Vindu via Nyasaye yatakasa, ivi utavilanga vidamanu mba!”

Varumi 14:2

Lisuuvira lia vandu valala livugilira kulia vindu viosi; navuzwa mundu oveeye mudedekere mu lisuuvira alizaa vuzwa zinguza.

Varumi 14:21

Ni vulahi kuvula kulia inyama, anoho kunwa iwaini, anoho kokora kindu choosi kinyala kokora amwavo woovo akole vwoni.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

Tito 1:15

Ku yavo valungi, vindu viosi viveeye vilungi, navuzwa ku yavo vadamanu na ava vula kusuuvira, sihaveeyeho ni kindu kinifu kuvo mba. Kali ndio ovogeri vwavo ni zing'anagani zie mioyo jaavo, viombi vigwiyi vidamanu.