Varumi 14:2 - KITABU KITAKATIFU

² Lisuuvira lia vandu valala livugilira kulia vindu viosi; navuzwa mundu oveeye mudedekere mu lisuuvira alizaa vuzwa zinguza.

Varumi 14:2 ပူးပေါင်းရင်းမြစ်များ

Litanga 1:29

Inzi mali kumuha vitagwa viosi viamaa uvuguza kandi vuli musaala gwosi gwamaa makuyu. Yivi viosi vilava viukulia vienyu.

Litanga 9:3

Kalunu munyala kuzilia, kali nivitagwa. Inzi muheezaa viosi kuli iviukulia.

Tsing'ano 15:17

Ni vulahi kulia zinguza na vandu va uyanzaa kuvita kulia inyama enolu huvusigu voveeye.

Danyeli 1:12

“Okogerizi kunyi avatumikiri vovo ku madiku 10; okohe zinguza kulie kandi amazi kunwi.

Danyeli 1:16

Kunangwa kutura lwene yilwo, mulindi wavo yavavugilira kulia zinguza havogono hi viukulia viu mwami yavatovolera.

Varumi 14:1

Muvugiliri vandu vaveeye vadedekere mutahangalizana navo ku makuva gi zing'anagani ziavo mba.

Varumi 14:14

Manya kandi mbeeye nagiligali mu Mwami Yeso ndi, sihaveeyeho ni chukulia ku choosi ikitaveeye kilahi ku vwacho mba; navuzwa niiva mundu asuviraa ndi chukulia yiki sikeveeye kilahi kulia, maku sikeveeye kilahi kuye mba.

Varumi 14:20

Kunangwa utononyia miyinzi ja Nyasaye amali kolomba kigira viukulia mba. Viukulia viosi ni vilahi kulia, navuzwa ni vudamanu kolomba mundu wundi akole vwoni kigira cha ivi uliizaa.

Varumi 15:1

Kunyi ava koveeye ni zinguru mu lisuuvira, kuduuka kokoonye avadedekere vaduuki kuginga uvuliduhu vwavo. Kutiyanziza kunyi aveene mba.

1 Vakorintho 10:25

Mulie choosi kigulizwa mu chiitu chi zinyama vugira koteveleriza amateeva kigira zing'anagani zie mioyo jinyu.

1 Vakorintho 8:9

Muhenze vulahi, mutaleka vovoholore vwinyu yivu vwi likora vove vwu kwikigitariza yavo avaveeye vadedekere mu lisuuvira, ma vagwi muvwoni mba.

1 Vakorintho 9:22

Inzi ndaamenya kuli mudedekere hagati ha yavo avaari vadedekere mu lisuuvira, kunangwa nduuki kuvaleeta ku Yeso. Kulwayago, ndaamenya kuli liiva lia vandu vosi, kunangwa nduuki koleta valala ku Yeso munzira yoosi inyalika.

Vagalatia 2:12

Lwa avandu valala ava Yakobo yaali natumi vaali ni vakikiri kuduuka, Petero yaali nalizaa viukulia harara na vandu vi vizihiiri avasuuvira. Navuzwa lwa avandu yava vaduuka, yagirung'ana naleka lilia harara na vandu vizihiiri, kigira yatia yavo avenyaa Avizihiiri vakevwe.

Tito 1:15

Ku yavo valungi, vindu viosi viveeye vilungi, navuzwa ku yavo vadamanu na ava vula kusuuvira, sihaveeyeho ni kindu kinifu kuvo mba. Kali ndio ovogeri vwavo ni zing'anagani zie mioyo jaavo, viombi vigwiyi vidamanu.

Vahebraina 13:9

Mutahunzulanywi yiyi nayiyi kutura kunzira yuvulungi na migizu mageni gi zing'ano ziosi mba. Ni vulahi konyoora zinguru ziu mu mwoyo kutura ku zimbavasi zia Nyasaye, na sigaveeye ku lilonda amalago ni viukulia mba, yavo avalonda malago yago, sigavakonya mba.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.