Varumi 14:15 - KITABU KITAKATIFU

¹⁵ Niiva usaliriza amwavo woovo kigira chukulia cha uliizaa, siokola ndio kolondekana nu vuyanzi mba. Utaleka chukulia chicho kidivizi umundu wundi wa Kristo yakuzira mba.

Varumi 14:15 ပူးပေါင်းရင်းမြစ်များ

Ezekieli 13:22

“Mumali kogotiza liluvirira lia vandu valungi nu vugadi vwinyu, ava inzi ndaveeye ni lienya vavuli kusalirizwa. Mwigalira vandu vadamanu vavuli koleka vudamanu vwavo, kandi muhonyia livamwoyo liavo.

Varumi 13:10

Uyu uyanzaa mutende weve siamukoleraa uvudamanu mba. Kunangwa Lilaga liosi lidukizirwa mu vuyanzi.

Varumi 14:20

Kunangwa utononyia miyinzi ja Nyasaye amali kolomba kigira viukulia mba. Viukulia viosi ni vilahi kulia, navuzwa ni vudamanu kolomba mundu wundi akole vwoni kigira cha ivi uliizaa.

Varumi 15:2

Muvwiyangu yivwo, sa mulala ku kunyi, gamudukira ayaanzize mutende weve ku vulahi vwivwe umwene. Gakuduukiraa kokole ndio kunangwa kuduuki kumwumbaka mu lisuuvira.

1 Vakorintho 13:1

Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa.

1 Vakorintho 8:1

Kalunu, nyenya kong'oda kolondekana ni viukulia visalisirangwa vifananyi, gaveeye agiligali ndi, “Kunyi kwosi koveeye nilimanya,” kuli vavoola. Navuzwa limanya kuli yilio lilombaa mundu kuva ni liegingira, nitali uvuyanzi vokolaa kunyi kuviruka mu Roho.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

2 Petro 2:1

Kuli vaporofeti vu vugadi vanyooleka hagati ha vandu mu madiku yago, kandi munzira ndala nzere avigizi vu vugadi valanyooleka mumunyi. Valaleta mu vuvisi amigizu go vovehi kandi gukudiviza na valambakana Umwami wavahonyia, na ndio valeletera aveene lidiviza lia vwangu.

1 Yohana 2:2

Kandi Kristo mwene aveeye kisiuviriru chu vwoni vwitu; kandi siaveeye ku vwoni vwitu kwenyine mba, navuzwa kandi nuvwoni vwa vumukivala vosi.