Varumi 14:10 - KITABU KITAKATIFU

¹⁰ Kunangwa, kigira ki ivi ukalagiraa amwavo woovo? Na ivi, kigira ki uchayaa amwavo woovo? Kunyi vosi kulakasingiri imbiri wa Nyasaye kukalagirwa naye.

Varumi 14:10 ပူးပေါင်းရင်းမြစ်များ

Kohelethu 11:9

Umuyaayi usangale lwa ukikiri muyaayi, uyaanze lwa ukikiri muyaayi. Okole vuli kindu choosi cha wenyaa kokora, kandi olonde limenya liu mwoyo gugwo. Navuzwa wizulizi ndi, Nyasaye azizaa kukukalagira ku vindu viosi via okolaa.

Kohelethu 12:14

Nyasaye azizaa kukalagira vuli kindu choosi cha kokoraa, keve kilahi anoho kidamanu, kali vindu viekoleka mu vwivisu.

Matayo 7:1

“Mutakalagira avandu vandi mba, gase na munyi mulakalagirwa na Nyasaye.

Luka 18:9

Yeso yavoola lugano yilu kandi ku avandu valala avelolaa aveene kuva nuvulungi na nivalegeliza avandi vosi

Luka 23:11

Herodi harara navasikari veve vachaya ni vaviika Yeso mu zisoni, nivamukolera kehenyahenye. Vaviika Yeso iganza indahi yuluyali ma nivamwiranyia wa Pilato.

Yohana 5:22

Baba siakalagira mundu woosi mba; navuzwa vunyali vwosi vwo kuakaga yahaana ku Mwana,

Vikolwa 10:42

Yakulaga kwilwaziri avandu vosi Ivangeri ya Nyasaye, no kololekiza ndi uyu niyie wa Nyasaye yatovola ave mukalagi wa vaveeye mwoyo na vakuzu.

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Vikolwa 4:11

Yeso niyie wa Mang'oda Matakatifu gavoora, ‘Ligina lia munyi avumbaki mwasuura, kalunu liveeye ligina lie kivuni ku goosi.’

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.