Varumi 14:1 - KITABU KITAKATIFU

¹ Muvugiliri vandu vaveeye vadedekere mutahangalizana navo ku makuva gi zing'anagani ziavo mba.

Varumi 14:1 ပူးပေါင်းရင်းမြစ်များ

Ayubu 4:3

Ivi wamala kwigiza nukudinyiriza vandu vanyingi, nukuhaana zinguru ku vandu vadedekere.

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 42:3

Sialavunanyia kidundu chavedeka mba, anoho sialavunanyia itaya yu ludambi imulamula mba. Alaleeta likalaga lirungi ku vandu vosi.

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Ezekieli 34:4

Si muhenderaa agaveeye amadedekere anoho kohonyia agaveeye malwaye mba, anoho si muvohelelaa agasaliraa anoho kwiranyia agavoyavoya anoho kohenza aga gotaa mba. Muvogono yivwo mumali kugamiiha ni zinguru kandi nu vululu.

Zekaria 11:16

Mali kuviika mwayi kulinda chayo cha magondi, navuzwa siakonyaa magondi gaveeye ahimbi kudivizwa mba, anoho siahenzaa agagotaa mba, anoho kohonya agasalirizwa, anoho kulihiza malamu mba. Muvugono yivwo alizaa zinyama zia magondi gaveeye makomelu kandi nu kutandura zimbagayu zia go.

Matayo 12:20

Si alavunanyia ikidundu kimali kulingwa mba, anoho kusiminya itaya imulamula mba. Alazizagilira vugira kuluha kuduuka, lwi likalaga liu vulungi, liguuta,

Matayo 14:31

Ahene yaho Yeso yanyira mukono gwigwe, namugumira, namuvolera, “Ivi wilisuuvira likekeeke! Kigira ki nuhayahayiza?”

Matayo 18:10

“Mulole ndi muvuli kuchaya mulala ku vakekeeke yava inzi muvooleraa. Zingelosi ziavo mwigulu, ziveezaa imbiri wa Baba wange vuli kazozo. [

Marko 7:19

kigira si kimwingira mu mwoyo mba, navuzwa kizizaa munda, na inyima kitulaa ichova?” Mu livoora yaga, Yeso yavoola iviukulia viosi vive iviukuliivwa.

Luka 17:2

Vwakaveeye vulahi lugina lonene lusungwi mu ligoti lilie ma asiuvwi mu inyanza kuvita kolomba mulala ku avakeekeke yava agwi mu vwoni.

Yohana 13:20

Muvooleraa agiligali, ku vosi, uvugilira oyo wa inzi nduma, avugiliraa inzi, naye uvugilira inzi avugiliraa oyo uwanduma.”

Vikolwa 28:2

Avandu va hene yaho vaali avalahi ligali ku kunyi. Imbura yaali nitangi kukuba, kandi vukindu vwali ku; vafaana muliru nivakwingiriza.

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

Varumi 14:2

Lisuuvira lia vandu valala livugilira kulia vindu viosi; navuzwa mundu oveeye mudedekere mu lisuuvira alizaa vuzwa zinguza.

Varumi 14:21

Ni vulahi kuvula kulia inyama, anoho kunwa iwaini, anoho kokora kindu choosi kinyala kokora amwavo woovo akole vwoni.

Varumi 14:3

Vandu valiza vindu viosi vatachaya yava vatanyala kulia vindu viosi mba; kandi yavo vatalizaa vuzwa zinguza vatakalagira yavo vatalizaa vindu viosi mba, kigira Nyasaye umali kuvavugilira.

Varumi 15:1

Kunyi ava koveeye ni zinguru mu lisuuvira, kuduuka kokoonye avadedekere vaduuki kuginga uvuliduhu vwavo. Kutiyanziza kunyi aveene mba.

Varumi 15:7

Kunangwa, muvugilizane aveene naveene kuli Kristo amali kumuvugilira muduuki kwizominya Nyasaye.

Varumi 4:19

Yaali wi mihiga ahimbi imia ndala; navuzwa lisuuvira lilie si liadedekera lwayaganagana ku muviri gwigwe ugwali gwu vusakulu mba, anoho kigira mukeere weve Sara waali utanyala konyoora avana mba.

1 Vakorintho 9:22

Inzi ndaamenya kuli mudedekere hagati ha yavo avaari vadedekere mu lisuuvira, kunangwa nduuki kuvaleeta ku Yeso. Kulwayago, ndaamenya kuli liiva lia vandu vosi, kunangwa nduuki koleta valala ku Yeso munzira yoosi inyalika.

Vafilipi 2:29

Mumwingirizi nu uvusangari vwosi kuli aminyu mu Mwami. Muhaane uluyali ku avandu avaveeye kuli oyo,

1 Vatesalonike 5:14

Kumuzuvaa munyi avaamitu viitu, muliganihizi avagata, muluvirizi vati, mukoonye avadedekere, kandi mwikuziri ku avandu vosi.

Vahebraina 5:14

Navuzwa chukulia kidinyu, ku lovega lundi, keveeye cha vandu vakulundu, kuvitira mu limanya liavo lia viinaliza, avanyala kwavukanyia hagati hu vulahi nuvudamanu.

2 Yohana 1:10

Mundu niyazaa ku munyi nanavula koleta amigizu yaga, mutamwingirizi mu zinyumba zienyu, kandi mutamucheliza mba.