Varumi 13:4 - KITABU KITAKATIFU

⁴ kigira, vaveeye vatumikiri va Nyasaye vatumika muduuki konyoora uvulahi. Navuzwa ivi niiva okolaa uvudamanu, ove nuvuti; kigira vaveeye nu vunyali vwu kuhaana amageri. Vaveeye vatumikiri va Nyasaye, navo vahaana mageri ga Nyasaye ku yavo avakolaa vudamanu.

Varumi 13:4 ပူးပေါင်းရင်းမြစ်များ

1 Avami 10:9

Yahova Nyasaye woovo yizominywi! Amali kumanyia kuli ayanziziywi kokokola ove mwami wa Isiraeli, kigira vuyanzi vwivwe ku vandu va Isiraeli voveeye vwukuhindira mihiga ni mihiga. Umali kokora ivi kuva Mwami kunangwa uduuki kulinda Lilaga nu vulungi.”

2 Kyetsinyinga 19:6

kandi navavoolera, “Muhenze vogeri kuli mukalaga; si mukoraa ku vunyali vwu mundu, navuzwa ku vunyali vwa Yahova, kandi aveeye harara na mwinye lwa muhaana ligalaga.

Tsing'ano 16:14

Mundu mugeri agerizaa kokora mwami ave nu vuyanzi; niiva mwami alava nu vutima, mundu anyala kukuza.

Tsing'ano 20:2

Utie mwami wu vutima kuli unyala kutia isimba ihugumaa nu vutima; kokora mwami ave nu vutima ni kuli kwisunga.

Tsing'ano 20:26

Umwami mugeri gamuduukira atange kumanya mundu okolaa vudamanu, maku ahaane mageri vugira livelelelwa.

Tsing'ano 20:8

Mwami wikala kondeve yu vwami, amanyaa vudamanu lwa vololaa.

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Jeremia 5:28

kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Ezekieli 25:14

Avandu vange va Isiraeli vaza vambanzili kisaalia ku vandu va Edomu, kandi na vakolere avandu va Edomu kolondekana nu vutima vwange vululu. Avandu va Edomu navamanye livanza kisaalia liange.” Yahova Wuvunyali umali kovora.

Mika 3:9

Mumbulirizi, munyi avamihi va Isiraeli, munyi avadunyiraa likalaga liuvulungi nukuchaminya malungi kugwa amadamanu.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 13:6

Yiki nicho kandi kivuni kilala chere kigira nimutuunga uvusuru; vaveeye nu vunyali kutumikiraa Nyasaye lwa vakora imiyinzi jaavo.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Joshua 20:5

Niiva mundu wenyaa kuvanza kisaalia cha masahi amulondelera weneyeyo, avandu vi lidaala liene yilio vatahaana mundu wirukira mu lidaala liavo yehonyie, ku mundu uwaza ku aduuki kumwiita mba. Kuduuka vamukingi kigira yamwita ku matava na sigaveeye kigira uvutima mba.

Joshua 20:9

Yaga nigo agaali madaala manene guvuhaliru agatovolwa kigira avandu va Isiraeli vosi kandi kigira mugeni ku vosi omenyi hagati haavo. Mundu woosi, uwiita mundu ku matava yaali anyala kwirukira mu lilala ku madaala manene yaga aduuki konyoora likingwa kutura ku mundu wenyaa kuvanza kisaalia cha masahi si yaali unyala kwitwa nakikiri kuyaalizwa imbiri wi kiyaalo cha vandu vosi kutanga mba.

1 Petro 2:14

Mwegehizi kandi ku vamiihi avatovolwa nu Mwami kuhaana amageri ku yavo avakolaa uvudamanu, kandi mwizominye yavo avakolaa uvulahi.