Varumi 13:11 - KITABU KITAKATIFU

¹¹ Kuduuka mukore ndio, kigira mu manya ndi ing'inga imali kuduuka ya munyi muvuuka mu zindoolo zienyu. Ovohonyi vwitu voveeye ahimbi ligali ku kunyi kuvita lwa kwatanga kusuuvira.

Varumi 13:11 ပူးပေါင်းရင်းမြစ်များ

Kohelethu 9:10

Uyinziri vudinyu miyinzi josi jokolaa kigira si kilakave ho ne kekolwa, zing'anagani, limanya kandi vogeri mu kivala cha vakuzu mba. Wene yeyo ni yio wa uzizaa.

Jona 1:6

Kunangwa, munene wi iliato yamunyola yo namuvolera, “Okolaa ki, Ogonaa? Vuka, waniri nyasaye woovo mbula yakokonya. Hawundi alakovererera ma akohonyie, kuvuli kudiva.”

Matayo 16:3

Mugambazuri, muvooraa, ‘Lero imbura enene ilakuba kigira ligulu ni iliakanyu na malesi mamwamu gimbula enene gaveeye ku.’ Munyala koporofeta ndi kuli kivala kizizaa kuva ulwa muheezaa mu vwerefu, navuzwa simunyala kuhaana ikivuni chi zing'inga ziene yizi mba!

Luka 21:28

Lwi vindu yivi vilitanga kokoleka, musingiri vudinyu na mudiguluri imitwi jinyu igulu, kigira ovohonyi vwinyu voveeye ahimbi.”

1 Vakorintho 10:11

Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

Vafeso 5:14

Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

Yakobo 5:8

Munyi kandi kuduuka mwikuziri kuli ndio, muve nilisuuvirizwa linene kigira liza liu Mwami liveeye ahimbi.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

2 Petro 3:11

Kigira vindu yivi viosi vilakadivizwi munzira ndala nzere, gamudukira kuva avandu vu lugano ki? Gamudukira komenya mu liiva litakatifu,

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.

1 Yohana 2:18

Avana vange, ing'inga ye keheri eveeye himbi; kandi kuli mwahulira umusigu wa Kristo yaazaa; kali kalunu avasigu va Kristo avanyingi vamali kololeka, ku yaga kumanya ni ing'inga ye keheri eveeye himbi.

Likunula 1:3

Aveeye nuvugasu mundu osoma amakuva gi kitabu yiki kandi vaveeye nuvugasu vandu vahulira makuva go voporofeti nokolonda ivindu viang'odwa mu kitabu yiki kigira ing'inga eveeye ahimbi.

Likunula 22:10

Yambolera kandi, “Utaviika amakuva go ovoporofeti vwi kitabu yiki kuva agimbisu mba, kigira ing'inga eveeye ahimbi lwayaga goosi gazizaa kwekoleka.

Likunula 22:12

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.

Likunula 22:20

Uyu ololekizaa ivindu yivi avoora, “Ligali inzi nziza vwangu!” Gave ndio. Hamba, Mwami Yeso!