Varumi 12:9 - KITABU KITAKATIFU

⁹ Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

Varumi 12:9 ပူးပေါင်းရင်းမြစ်များ

Zaburi 101:3

Sindavugilira uvudamanu ligali kuva imbiri wange kali hakuzu mba. Ndunyiraa vikolwa via yavo avagirung'ana okoleka Nyasaye; Sindahambana namakuva gaavo mba.

Zaburi 119:104

Nyooraa ovogeri kutura ku malago googo, nandio ndunyiraa miima midamanu josi.

Zaburi 119:163

Inzi ndunyiraa nukuvihilirwa ovovehi vwosi, navuzwa nyanza amalago googo.

Zaburi 34:14

Aleke ku vudamanu na okole uvulahi, wenye mirembe nu mwoyo gugwo na ujilonde.

Zaburi 36:4

Alombaa lilohiza liu uvudamanu lwa agonaa ku kidali chichie; ichakolaa choosi sikeveeye kilahi mba, navuzwa akolaa uvudamanu vuli kazozo.

Zaburi 45:7

Ivi uyaanzaa uvulungi, udunyiraa uvuchamu. Kigira yaga, yiki ni kigira Yahova, Nyasaye woovo umali kukotovola. Kandi umali kuzuka uvugasu vunyingi ku ivi kuvita mwami wundi woosi.

Zaburi 55:21

Makuva gu munwa gwigwe gaali manulu ligali kuvita isiagi, navuzwa yaali ni livihiliriza mu mwoyo gwigwe. Amakuva geege gaali kuli amaterere gokodotiza, navuzwa gakalagaa kuli vivavi viugi.

Zaburi 97:10

Yahova ayaanza yavo avadunyiraa uvudamanu; akingaa livamwoyo lia vandu veve; avahonyiaa kutura kuzinguru zia avachamu.

Tsing'ano 26:25

Makuva gege gahulirika vulahi, navuzwa utamusuuvila mba, kigira mwoyo gwigwe gwayizura uvusigu.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Matayo 26:49

Yuda yazia kilungika ku Yeso namuvolera “Mirembe jive ku ivi, Mwigizi,” kandi yamuvusa.

Yohana 12:6

Si yavoola yaga kigira yahendera nokovelera avadaka, navuzwa kigira yaali umbiki wa mabese, na kuli yaali mwivi, vuli ing'inga yivaa kutura mu livikiru yilio.

Vikolwa 11:23

Lwa yaduuka nalora kuli Nyasaye yaali nagasizi avandu yavo, yayanza; na aviganihizaa vosi vaye avasuuvirifu ku Mwami Yeso ni mioyo jaavo josi.

2 Vakorintho 6:6

Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

2 Vakorintho 8:8

Simuhezaa malago mba, navuzwa nyenya kuvamanyia kuli vandi vaveeye nu vugulu vwo kokoonya vandu vandi. Ngerizaa kumanyia agiligali gu vuyanzi vwinyu kuli voveeye.

1 Vatesalonike 2:3

Ligoonya lietu ku munyi si litulaa ku matava, anoho ku zing'anagani zindamanu, anoho sikugerizaa kugaada mundu vosi mba.

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

1 Vatesalonike 5:21

mugerizi vindu viosi, mugumiri vudinyu ligali yiki ekeveeye kilahi:

Vahebraina 1:9

Ivi uyanzaa vulungi na udunyiraa uvudamanu. Yicho nicho kigira Nyasaye, Nyasaye woovo, umali kokotovola nu kukuvaka maguta, kandi umali kuhaana ku ivi uvusangari vwu luyali voveeye vonene kuvita avache vovo.”

Vahebraina 12:14

Mugerizi ligali kuva ni mirembe na avandu vosi, kandi mugerizi komenya liiva litakatifu kigira siaveeyeho nu ulilola mwami nataveeye nu vutakatifu mba.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 4:8

Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.