Varumi 12:7 - KITABU KITAKATIFU

⁷ Niiva nuvutumiki kuduuka kutumiki. Niiva nukwigiza, kuduuka kwigize.

Varumi 12:7 ပူးပေါင်းရင်းမြစ်များ

Zaburi 34:11

Hambi munyi vana vange, mumbulirize, na nda mwigizaa kuhaana luyali ku Yahova.

Zaburi 51:13

Maku ndigiza avoni malago googo, na valagirung'ana kuivi

Kohelethu 12:9

Navuzwa kigira mwilwazi yaali mugeri, yaazizagilira kwigiza vandu gayamanya. Yenyeleriza zing'ano, kandi yageriza kohenzeriza giligali gezingano mu vusuuvirifu vwivwe.

Isaya 21:8

Maku mulindi oyo yahanzuka navoora, “Mwami, inzi singiyi igulu ku munara gwo kohenzera ku mu vulindi vwange mbasu nuvudiku!”

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Yohana 3:2

Lidiku lilala yaza ku Yeso vudiku, namuvolera, “Rabi, kumanyi ivi oveeye mwigizi watura ku Nyasaye, kigira avulaho mundu unyala kokora vilolekizu via okolaa yivi, Nyasaye nataveeye harara naye.”

Vikolwa 13:1

Mu likanisa liali ha Andiokia vaali ho avandu valala avaari avaporofeti kandi avigizi. Baranaba, Simioni walangwa kandi Nigeri, Lukia wa Kurene, Manaeri waali niyavirukizwa harara nu Mwami Herodi, na Saolo.

Vikolwa 20:20

Mumanyi vulahi sindaaleka kali hakuzu kumwilwazira imbiri wa vandu vosi, kandi mu zinyumba zienyu; nimwigiza goosi aganyala kumukonya.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 6:1

Mu madiku yago lwi livaliza lia vandu vasuuvira yaazizagilira komeedeka, lirembana liatulira hagati ha avasuuviri Vayuda avamolomaa Luguriki na yavo avamolomaa Luheburaina. Avayuda avamolomaa Luguriki vamonya ndi avakunzakali vaavo vivilirangwa mu ligavula lie viukulia via kase.

1 Vakorintho 12:28

Nyasaye yatovola mundu sa mulala mu likanisa mu vwiyangu vwivwe. Mu vwiyangu vwukutanga, yatovola avatumwa, mu vwiyangu vwakaviri na vaporofeti vakavaga na avigizi; maku nalondiza ku vayinziri vi kihanwa chu kokora vilolekizu; kandi yalondiza ku yavo vahevwa izingulu zio kohonyia, anoho kokoonya vandi na viimiliri, kandi yavo vamoloma mu zinimi zing'eni.

1 Vakorintho 12:5

Haveeye ho ni zing'ano zinyingi ziu vutumwa, navuzwa kwosi kutumikira Mwami mulala.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

Vagalatia 6:6

Mundu wigizwa likuva liu Vukristayo kuduuka asaange ku vindu viosi vilahi viaveeye navio nu mwigizi weve.

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Kwidzulitsa 33:10

“Valigiza avandu vovo kuhulira Lilaga liilio; valahaana visiuviliru ku vwali vuvwo.

Vakolosai 4:17

Muvoolere Arikipo amakuva yaga, “Olole ndi udukizi muyinzi gwa wahevwa mu vutumiki vwu Mwami.”

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.