Varumi 12:6 - KITABU KITAKATIFU

⁶ Kunangwa gakuduukiraa kutumikiri vihaanwa lugano kolondekana ni zimbavasi zia Nyasaye yakuha. Leki kuvitumikiri. Niiva kihanwa chiitu keveeye chovoporofeti, kuduuka kukitumikiri kolondekana ku kegero chi lisuuvira lia koveeye nalio.

Varumi 12:6 ပူးပေါင်းရင်းမြစ်များ

Matayo 23:34

Kigira yaga, inzi nziza kuvatumira avaporofeti, avageri na avigizi; munyi muliita valala, muvambe avandi, kandi avandi mulavakubagira mu masinagogi ginyu nu kuvadambiza mu madaala goosi.

Matayo 25:22

“Umutumikiri wahevwa zitalenta ziviri yaza navoora, ‘Mwami, wamba zitalenta ziviri. Henza, mbeeye ni zitalenta zindi ziviri; uvukala vwa ndanyoora.’

Luka 11:49

Kigira yaga, ovogeri vwa Nyasaye vovoola ndi, ‘Ndakavatumiri avaporofeti na avatumwa, valala kuvo valakitwi, na avandi valakasaliri.’

Vikolwa 13:1

Mu likanisa liali ha Andiokia vaali ho avandu valala avaari avaporofeti kandi avigizi. Baranaba, Simioni walangwa kandi Nigeri, Lukia wa Kurene, Manaeri waali niyavirukizwa harara nu Mwami Herodi, na Saolo.

Vikolwa 15:32

Yuda na Sila, avaari avaporofeti vamoloma na avaamitu yavo ku ing'inga indambi nivavaleminya mioyo nu kuvadinyiriza.

Vikolwa 2:17

‘Mu madiku ge keheri, Nyasaye avoora: Ndazuka Roho wange ku avandu vosi. Avana vinyu, avayaayi na vakana, valaporofeta makuva gange; vasoleri vinyu valalola malola, na vasakulu vinyu valalota maloto.

Vikolwa 21:9

Yaali na avana vakana vane avaari ni kihanwa cho voporofeti.

Varumi 1:11

Kigira ngayilwa ligali kolola munyi, nduuki kusanga harara nimunyi mu kihanwa cha roho kunangwa muduuki kuva ni zinguru.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

1 Vakorintho 12:18

Navuzwa kuli gaveeye, Nyasaye yalohiza vivero mu muviri sa kilala kuli mwene atovoraa.

1 Vakorintho 13:2

Niiva ndakaveeye ni kihanwa chu kwilwaza; kandi kihanwa chu kumanyiriza agaviswa goosi kandi limanya liosi; kandi niiva ndakaveeye nilisuvira liosi linyala kusunda vigulu; navuzwa nindaveeye nu vuyanzi, simbeeye kindu mba.

1 Vakorintho 14:1

Muve nu vuyanzi; muve kandi nu konyoora kihaanwa cho voporofeti.

1 Vakorintho 14:24

Navuzwa niiva vosi valaporofeta likuva lia Nyasaye kandi umundu mugeni anoho mundu utasuviraa alingira mu livugana, goosi gahulira galamumanyia vwoni vwivwe mwene; goosi agahulira galamukalagira mwene.

1 Vakorintho 14:29

Yavo avaveeye ni kihanwa cho voporofeti, muleke vamolome vaviri anoho vavaga. Vamolome na vandi vahulirizi makuva gavavoola.

1 Vakorintho 3:5

Kunangwa Apolo nivwaha? Kandi Paolo nivwaha? Kunyi koveeye vuzwa avatumikiri va Nyasaye, ava mwanyoolera mu lisuuvira, kuli Mwami yahaana ku vuli mulala ku kunyi kokora muyinzi.

1 Vakorintho 7:7

Ndakayaanziliyi ndi munyi vosi muve kuli inzi mbeeye. Navuzwa mundu sa mulala aveeye ni kihanwa chiche kidukiru umwene kutura ku Nyasaye, umundu mulala kihanwa yiki, na wundi kihanwa kila.

2 Vakorintho 8:12

Niiva mundu aveeye nilienya kuhaana, Nyasaye avugiliraa kihanwa chiche kolondekana ne kegero chanyala kuhaana; sianyala kuhaana chataveeye nacho mba.

Vafeso 3:5

Zing'inga ziavita, mundu siyavoolerwa amakuva gaviswa yaga mba, navuzwa Nyasaye umali kugavura kalunu ku Roho ku avatumwa na vaporofeti veve vatakatifu.

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Vafilipi 3:15

Kunyi kwosi avakoveeye avadukiru mu Roho mu liiva liu Vukristayo, gakuduukiraa kusingiri vudinyu mu liganagana lilala liere kuli ndio. Navuzwa niiva avalala ku munyi valaganagana lugano, Nyasaye alamuvuulira ikindu zana yicho.

1 Vatesalonike 5:20

Mutachaya amakuva go voporofeti mba,

2 Petro 1:20

Kuvita yaga goosi, mwizurizi ndi, sihaveeyeho nu mundu unyala kwivaala ku vwivwe umwene ovoporofeti vwa Mang'oda Matakatifu mba.