Varumi 12:3 - KITABU KITAKATIFU

³ Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 12:3 ပူးပေါင်းရင်းမြစ်များ

Tsing'ano 25:27

Uvwuki vunyingi voveeye vudamanu ku ive, kandi ni ndio gaveeye konyoora lizominywa linyingi.

Tsing'ano 26:12

Mundu musiru ligali aveeye mulahi kuvita mundu uganagana aveeye mugeri lwa ataveeye ndio mba.

Kohelethu 7:16

Utava mulungi mbitilira mba, kandi otekola mugeri mbitilira mba. Kigira ki widivizi?

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Luka 18:11

“Mufarisayo oyo yasingira, niyisaalira mwene, ‘Nyasaye, ngusandizaa kigira simbeeye kuli avandu vandi mba: avanuuri, avagaanga, avaheyi, anoho kali kuli musololi wu vusuuru uyu mba.

Yohana 3:34

Uyu wa Nyasaye yatuma amolomaa amakuva ga Nyasaye, kigira Nyasaye amuhezaa uvudukiru vwa Roho weve vugira kegero.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 11:20

Nagiligali! Ziahalulwa kigira livula kusuuvira liavo, navuzwa ivi usingiraa vudinyu kigira lisuuvira, utiyizominya mba, navuzwa wilindi.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

1 Vakorintho 3:10

Nindumikiraa kihanwa cha Nyasaye yamba, ndaakola muyinzi gwu mwumbaki munene wo vogeri, kandi nimbika umusingi, na mundu wundi naye yumbaka kugwo. Navuzwa gaduukiraa mundu sa mulala aheenze vulahi kuli yumbaka kugwo.

1 Vakorintho 7:17

Gaduukanaa vuli mundu amenye kolondekana ni kihanwa chu Mwami Yeso Kristo yamuha kandi kuli yaali lwa Nyasaye yamulanga. Yili nilio lilago liange lia nzigiza mu makanisa goosi.

2 Vakorintho 10:13

Navuzwa kunyi sikunyala kwekonya kuvita kegero chietu mba, navuzwa liekonya lietu lilava vuzwa kuli lwako lwe kegero cha Nyasaye yakuha; kandi munyi muveeye mu kegero chi miyinzi jietu hagati hinyu.

2 Vakorintho 12:13

Ni kindiki cha mwagehera ligali kuvita amakanisa gandi nitali vuzwa inzi mwene sindamukubiza kivi kumuteeva mabese? Nimuyaanza mumbeere zimbavasi ku vudamanu yivu!

2 Vakorintho 12:7

Navuzwa konomba mburi kwigingira nu vwelori kigira vindu viokogenyia via Nyasaye yamanyia, ndaahevwa vulwaye vululu ligali ku muviri, ovoveeye kuli umutumwa wa Setani, aduuki kuundambiza kunangwa uvwelori vwange vogehe.

Vagalatia 6:3

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene.

Vafeso 3:2

Suuviraa ligali munyi mwamala kuhulira ndi, Nyasaye, mu zimbavasi zizie, yamalakuhaana ku inzi miyinzi yiji ngole kigira madanyi ginyu.

Vafeso 3:4

kandi niiva mulasooma icha mali kong'oda, munyala kwiga nukumanya limanyiriza liange lia agaviswa ga Kristo.

Vafeso 4:16

Kuye vivero viosi viu muviri vihambanyiywi harara, kandi muviri gwosi gwahamanywa harara navuli chungu. Kunangwa, lwa vuli kevero kiyinziraa kuli gaduukanaa, muviri gwosi guvirukaa ma gwumbakwa kuvitira mu vuyanzi.

Vafilipi 2:13

Nyasaye akolaa imiyinzi mu munyi kazozo kumukola muduuki kuvugilira kandi kuhulira uvulariri vwivwe umwene.

Vakolosai 1:29

Kolola ndi yaga gekoleki, nyang'anaa nokokola miyinzi vudinyu ligali nindumikiraa zinguru zinene zia Kristo ahaanaa, kandi zikolaa miyinzi mu inzi.

Vakolosai 2:13

Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi;

Tito 2:12

Izimbavasi yizio ziegizaa kunyi kuduuki koleka liiva liu uvudamanu nilikayirwa lie vindu vie lirova; kandi komenye liiva liu kwilinda aveene, liuvulungi kandi liuvunyasaye mu lirova yili,

Tito 2:2

Wigizi avakulundu vave avadukanu, avokohevwa luyali, avilindi, avovogeri, vi lisuuvira, vu vuyanzi, kandi vu kwikuzira.

Tito 2:4

Kandi vaduuki kwigiza avakali avang'erere vayanze avasaza vaavo, kandi avana vaavo,

Tito 2:6

Wigizi avasoleri vang'erere vave avilindaa aveene.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”

1 Petro 1:13

Kunangwa mwetegeke mu zing'anagani zienyu ku vikolwa mwilindi vulahi; kandi muviiki lisuuvira lienyu ku zimbavasi zia muliheevwa ulwa Yeso Kristo aliloleka.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

3 Yohana 1:9

Ndaang'oda ibarwa inyimbi ku Likanisa yilio; navuzwa Dioterefe, uyanzaa kwekola umwimiliri wavo, siyenya kumbulira mba.