Varumi 12:19 - KITABU KITAKATIFU

¹⁹ Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 12:19 ပူးပေါင်းရင်းမြစ်များ

Tsing'ano 20:22

Utitungila vudamanu mba. Suuvira Yahova na alakokoonya.

Tsing'ano 24:29

Utavoola ndi ndamukolera kuli yangolera mba. Ndamutungiza kisaalia kugayangolera!

Jeremia 51:36

Kunangwa, Yahova yavolera avandu va Jerusalemi ndi, “Ndavugura lienya lienyu, na ndavanza kisaalia ku avasigu vinyu ku goosi gavakolaa ku munyi. Nduminyaa ivisenukiru via mazi ga Babiloni kandi ndakora migera josi kwuma.

Ezekieli 25:12

Yahova Wuvunyali yavoola, “Avandu va Edomu vavaanzaa kisaalia kidamanu ku vandu vi Ivuyuda; akisaalia yicho chakola vandu va Edomu kuva nilihiolo liemihiga ni mihiga.

Kyavalevi 19:18

Mutavanza kisaalia ku mundu vosi mba anoho uzizagiliri kumudunyira mba, navuzwa uyaanze mutende vovo kuli wiyanza yivi mwene. Inzi mbeeye Yahova.

Matayo 5:39

Navuzwa kalunu inzi muvooleraa, utavaanza kisaalia ku mundu okokoleraa vudamanu mba. Mundu woosi ukwaala uluhi ku lusaya lwu mukono mulungi, oleke yaale uluhi ku lusaya lundi kandi.

Varumi 12:14

Mugasize yavo vamudambiza; muvagasizi, kandi mutavalaama mba.

Varumi 12:17

Mutatunga mundu kali mulala uvudamanu ku vudamanu. Mwetegeke kokora vindu viveeye vilahi imbiri wa vandu vosi.

Varumi 13:4

kigira, vaveeye vatumikiri va Nyasaye vatumika muduuki konyoora uvulahi. Navuzwa ivi niiva okolaa uvudamanu, ove nuvuti; kigira vaveeye nu vunyali vwu kuhaana amageri. Vaveeye vatumikiri va Nyasaye, navo vahaana mageri ga Nyasaye ku yavo avakolaa vudamanu.

Vafeso 4:27

Mutahaana uvwiyangu ku Setani mba.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

Kwidzulitsa 32:43

“Zihiiri, kuduuka mwizominye avandu va Yahova ahaanaa mageri ku yavo vosi avaviita. Avanzaa kisaalia ku avasigu veve kandi asamiiha uvwoni vwa avandu veve.”

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

Vahebraina 10:30

Kigira kumanya uyu uwavoola, “Kisaalia ni change, nda tunga.” Kandi uyu wavoola, “Mwami alakalagira avandu veve.”

1 Samweli 25:26

Yahova niyie wigalira ivi uvuli kuvanza kisaalia kwita avasigu vovo. Kandi kalunu ngwisuuhiraa ku Yahova oveeye mwoyo ndi avasigu vovo kandi yavo vosi avenyaa kukusaaliriza valahevwa mageri kuli Nabali.

1 Samweli 25:33

Nyasaye akugasizi kigira likalaga liilio nililahi kandi ku ligaya inzi mburi kuluminda lidiku lia kalunu kandi mburi kwiivaanzira kisaalia.

1 Samweli 26:10

Daudi yaazizagilira kovora, “Ku Yahova oveeye mwoyo, inzi manya ligali Yahova mwene aliita Saolo, niiva ing'inga yi likuza lilie liduka, anoho akuziri mu vulwani.

1 Samweli 26:11

Yahova angaye mburi kogeriza kusaliriza uyu mulala wa Yahova amali kokora umwami munene! Leka kuvuguli litimu lilie kandi kimuga chiche cha mazi, ma kuzie.”