Varumi 12:17 - KITABU KITAKATIFU

¹⁷ Mutatunga mundu kali mulala uvudamanu ku vudamanu. Mwetegeke kokora vindu viveeye vilahi imbiri wa vandu vosi.

Varumi 12:17 ပူးပေါင်းရင်းမြစ်များ

Litanga 42:25

Josefu yalaga vuswage vwizulizwi mu misigo ja vamwavo veve, mabese ga vuli mundu gilanywe mu musigo, kandi vahevwe chukulia chokologendo. Yaga gaakolwa.

Tsing'ano 20:22

Utitungila vudamanu mba. Suuvira Yahova na alakokoonya.

Tsing'ano 24:29

Utavoola ndi ndamukolera kuli yangolera mba. Ndamutungiza kisaalia kugayangolera!

Matayo 5:24

leka kihanwa chicho imbiri wu vwali, utange kuzia kusamiihana na amwavo woovo, kunangwa wirane na uhaane kihanwa chicho ku Nyasaye.

Matayo 5:39

Navuzwa kalunu inzi muvooleraa, utavaanza kisaalia ku mundu okokoleraa vudamanu mba. Mundu woosi ukwaala uluhi ku lusaya lwu mukono mulungi, oleke yaale uluhi ku lusaya lundi kandi.

Varumi 12:19

Avayaanze vange, mutavanza kisaalia mba, navuzwa muleke vutima vwa Nyasaye mwene vokole yaga. Mang'oda matakatifu gavoora, “Kuvaanza kisaalia ni likuva liange; inzi ndavanza,” Mwami avoora.

Varumi 14:16

Kunangwa, mutaleka cha muganaganaa kuva kilahi kevoolwe kuva uvudamanu mba.

Vakolosai 4:5

Muve no vogeri ku vandu avatasuuvira. Mutumikiri vwiyangu ni ing'inga ya muveeye nayo vulahi.

1 Vatesalonike 4:12

Munzira yiyi mulanyola lizominywa kutura ku vandu avasuuviraa kandi muvuli kuva ni lienya kindu kutura ku mundu woosi.

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

1 Vatesalonike 5:22

Mwiyahuli ku vudamanu zing'ano ziosi.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 3:16

navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

Ruth 3:14

Kunangwa Ruzi yagona havirenge via Boazi kuduuka mugamba. Navuzwa yavuka mugambazuri vulavu ni vukikiri kuvaho vwu mundu atamanyira wundi mba, kigira Boazi siyenya mundu woosi amanye ndi, mukali uyu yaali koloze mba.

1 Samweli 26:11

Yahova angaye mburi kogeriza kusaliriza uyu mulala wa Yahova amali kokora umwami munene! Leka kuvuguli litimu lilie kandi kimuga chiche cha mazi, ma kuzie.”