Varumi 12:16 - KITABU KITAKATIFU

¹⁶ Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

Varumi 12:16 ပူးပေါင်းရင်းမြစ်များ

2 Kyetsinyinga 30:12

Nyasaye waali kandi na vandu vi Ivuyuda navahambanyia kuva kindu kilala vaduuki kokora agu mwami navana va vami valaga ku likuva lia Yahova.

Ayubu 36:5

“Henza, Nyasaye aveeye wizingulu, sialegelizaa mundu vosi mba aveeye Wuvunyali ni zinguru zie limanyiriza.

Tsing'ano 17:5

Mundu osekerizaa umudaka anyegaa Nyasaye wamulomba. Oyo uyaanziliraa kivi alanyoola mageri.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Tsing'ano 19:22

Sivoveeye vulahi mundu kuva muhuvaali mba; vandu vadaka vaveeye vulahi kuvita vavehi.

Tsing'ano 19:7

Kali aviiko vu mundu mudaka sivaveeye no vokonyi naye mba; siliveeye lio kugenyia kigira avula valina mba. Kali agelize ndi, sianyola mulina ku lovega lwilwe mba.

Tsing'ano 26:12

Mundu musiru ligali aveeye mulahi kuvita mundu uganagana aveeye mugeri lwa ataveeye ndio mba.

Tsing'ano 26:5

Uhaane litivuli lisiru ku liteeva lio vusiru kandi uyu uliteevi alamanyiriza ndi siaveeye mugeri kuli aganaganyia mba.

Tsing'ano 3:7

Utaganagana oveeye mugeri mba, utie Yahova kandi utakola uvudamanu mba.

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Jeremia 45:5

Weyenyela likolerwa vulahi ivi mwene? Utakola ndio mba. Inzi ndeta kivi ku avandu vosi, navuzwa ndakohonyia vuli havundu hoosi ha uzia. Inzi, Yahova mali kovora.”

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 26:11

Munyi mulava na vadaka vuli kazozo, navuzwa simulava ninzi amadiku goosi mba.

Luka 14:13

Navuzwa niwenya kolomba lilia ulange avadaka, avalema avadekerana na avavoku,

Luka 6:20

Yeso yahenza aviigi veve navoora “Muveeye nu vugasu munyi avaveeye avadaka; kigira Uvwami vwa Nyasaye nu vwinyu!

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 11:20

Nagiligali! Ziahalulwa kigira livula kusuuvira liavo, navuzwa ivi usingiraa vudinyu kigira lisuuvira, utiyizominya mba, navuzwa wilindi.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 15:5

Nyasaye oveeye vutangiliru vwu vwikuziri nilizuvana, amuhe mwoyo gwu vuhambani mu livugilizana liduukiru hagati hinyu lwa muva nimulondaa Kristo Yeso.

Varumi 6:2

Awa! Sigaveeye ndio mba! Kunyi koveeye vavoholore kutura ku vwoni, kunyala kuzizagilira ndi komenya muvwoni?

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

1 Vakorintho 3:18

Mundu atiigaada mwene mba! Mulala ku munyi niyiganagana umwene kuva mugeri mu lirova yili, vwakava vulahi oyo yeekole kuva musiru, kunangwa aduuki kuva mugeri.

1 Vakorintho 4:10

Kunyi koveeye avasiru kigira Kristo, navuzwa munyi muveeye avageri mu lihambana na Kristo! Kunyi koveeye kolegerizwa navuzwa vadedekere, munyi muveeye ni zinguru! Munyi muheevangwa luyali!

1 Vakorintho 6:5

Zisoni zive ku munyi! Ganyala kuva ndi siaveeye nu mundu kali mulala ku munyi wo vogeri, unyala kukalaga lisolana hagati ha vamwavo vasangi veve?

1 Vakorintho 8:2

Mundu naava naganagana yamanya kindu, agiligali gaveeye ndi, akikiri kumanya kindu kuli gamudukira amanye.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 3:16

Leki komenye vuzwa mu amalago malala meere aga kwa gumira kutura yilwo kuduuka lero.

Vafilipi 4:2

Ng'onyaa Eyodia na Sindike, mwaza ni muyanzaa mugerizi kuvugilirizana nu kuva nu mwoyo mulala kuli avavozo mu Mwami.

Vahebraina 13:5

Mutava niliiva liu kuyaanza mabese mba, navuzwa muvugiliri vindu via muveeye navio. Nyasaye umali kovora, “Inzi sindamwivilira mba.”

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 5:3

Mutagerizi kwamiiha kandi gatava kuli mwekora avanene vamulinda mba, navuzwa muve kelolero chi ichayo.

3 Yohana 1:9

Ndaang'oda ibarwa inyimbi ku Likanisa yilio; navuzwa Dioterefe, uyanzaa kwekola umwimiliri wavo, siyenya kumbulira mba.