14 Mugasize yavo vamudambiza; muvagasizi, kandi mutavalaama mba.
Navuzwa inzi muvooleraa, muyanze avasigu vinyu, kandi musaliri avamudambizaa,
Kandi Yeso yavoola, “Baba, uvasamihi, kigira sivamanyi icha vakora mba.” Vagavulana zinguvu zizie ku likuba ikura.
Mugasizi yavo avamulamaa kandi; Mugasizi yavo avamunyegaa.
Yasigama, nahanzuka nu mwoyo munene na avoora, “Mwami! Utavaliza vwoni yivu kuvo mba.” Lwa yamala kovora yaga, yakuza.
Mutaleka uvudamanu vumuguuti mba, navuzwa muguuti uvudamanu mu likora vulahi.
Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.
Amakuva gu kuhaana lisandiza kandi gu kulaama gaturaa mu munwa mulala mwere. Avaamitu vange, sivoveeye vulahi ivindu yivi viekoleke ndio mba!
Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.