Varumi 12:12 - KITABU KITAKATIFU

¹² Musangare mu lisuuvirizwa lienyu vuli kazozo. Muve aviikuziri mu lidambizwa. Muhongere ligali kusaala.

Varumi 12:12 ပူးပေါင်းရင်းမြစ်များ

Zaburi 109:4

Vahing'ana niinzi, kali niiva mbayaanzaa, kali ndio mbasaaliraa uvugasu.

Zaburi 37:7

Wikuziri kandi usuuviri Yahova, utahenda mwoyo kigira yavo avaveeye ni linyola mu zinzira ziavo mba, anoho yavo avanyoora kigira lilohiza lie zing'anagani ziavo zindamanu mba.

Zaburi 40:1

Ndaalindilira Yahova nuvwikuziri aduuki kongonya; maku yambuliriza kandi naahulira lianira liange.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Tsing'ano 10:28

Lisuuvirizwa lia vandu valungi liletaa vusangali, navuzwa vandu vachamu sivalanyora kindu mba.

Tsing'ano 14:32

Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Matayo 5:12

Muyanze kandi musangare ligali, kigira amadanyi ginyu gaveeye amanene mwigulu; nindio vadambiza avaporofeti avaari imbiri winyu.

Luka 10:20

Kunangwa mutasangala kigira mademoni gaali kwegehiza ku munyi, navuzwa musangare kigira amita ginyu gang'odeywi mwigulu.”

Luka 21:19

Muliekuzira lienyu nu vusuuvirifu, mulanyola livamwoyo litahera mba.

Luka 8:15

Uvuguza vwagwa mu marova malahi na magunamu ni yavo avahulira likuva ma valigumira nu vusuuvirifu vwosi kandi numwoyo mulahi gwosi kandi vikuzira kuduuka lwa vaama amakuyu.

Vikolwa 1:14

Yava vosi vavugana harara kazozo mu lisaala, kuli muganda, harara na vakali kandi Maria mama wa Yeso, na avamwavo veve.

Vikolwa 12:5

Kunangwa lwa Petero yaali muvuhambe likanisa liamusaalira Nyasaye ni zinguru ziosi.

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Vikolwa 6:4

Navuzwa kunyi kulahongera mu lisaala kandi mu lilwaza likuva lia Nyasaye.”

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

Varumi 2:7

Avandu valala avazizagilira kokora vulahi venyelerizaa uvukumi, uluyali kandi lihindira. Nyasaye alavaha livamwoyo litahera mba.

Varumi 8:25

Navuzwa niiva kohenzerera kindu cha kutalolaa, ahene yaho kukilindilira nu vwikuziri vwosi.

1 Vakorintho 13:13

Kulwa kalunu viveeye ho vindu vivaga vihindiraa: ilisuuvira, lisuuvirizwa, kandi uvuyanzi; navuzwa ekenene kuvita viosi keveeye uvuyanzi.

2 Vakorintho 12:8

Haali kavaga kosi, ndagoonya Mwami mu lisaala kigira yaga, kandi nimuteeva andulizili lidambizwa yili.

Vafilipi 3:1

Mulimala, avaamitu vange, musangare mu Mwami. Sivoveeye uvudinyu ku inzi ukwirana kumung'odera ivindu vilala viere, navuzwa vwakaveeye vulahi ku munyi, niiva inzi ngola ndio.

Vafilipi 4:4

Mu sangale mu Mwami kazozo. Mboraa kandi musangare!

Vakolosai 1:11

Mudinyirizwi ni zinguru ziosi kolondekana novukumi vwi zinguru zizie kuduuka ku vwikuziri vwosi novohocha vwosi harara nu vusangali;

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

Vakolosai 4:2

Mumenye ligali mu lisaala kazozo, muhongere mu lilinda nu mu lisandiza Nyasaye.

1 Vatesalonike 1:3

Kumwizulizaa mu lisaala lietu ku Nyasaye wiitu kandi Baba kuli muviika lisuuvira lienyu mu vikolwa, kuli vuyanzi vwinyu vomukolaa kuyinzira vudinyu ligali kandi kuli lisuuvirizwa lienyu mu Mwami wiitu Yeso Kristo liveeye lidinyu ligali.

1 Vatesalonike 5:8

Navuzwa, kunyi koveeye avumbasu, gakuduukiraa kove no vogeri. Kuduuka kwiviiki lisuuvira nu vuyanzi, kuli isalamba kandi lisuuvirizwa lietu lio vuhonyi kuli igudwa siyakotovola.

2 Vatesalonike 1:4

Kulwayago, kunyi aveene kwekonya kigira munyi avaveeye mu makanisa ga Nyasaye kigira uvwikuziri vwinyu; kandi lisuuvira lia muveeye nalio, mu lidambizwa lienyu liosi harara nu vusaliri vwa muzizagiliraa kwikuzira mu kazozo.

2 Vatesalonike 3:5

Mwami ayaanze yimiliri munyi kuduuka mu limanyiriza linene liu vuyanzi vwa Nyasaye kandi mu vwikuziri vuhaanwa na Kristo.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Tito 3:7

Kunangwa ku zimbavasi zizie, kunyi kuduuki kokolwa avalungi na Nyasaye kandi kuduuki konyoora imiandu lisuuvirizwa lie livamwoyo litahera mba.

Vahebraina 10:32

Mwizurizi kuli lwa gaali nimunyi zing'inga ziavita. Mu madiku yago inyima wu vulavu vwa Nyasaye vwali nivwakaa ku munyi, mwasalira vindu vinyingi, navuzwa simwaguutwa mba.

Vahebraina 10:36

Gamuduukira muve nu vwikuziri, kunangwa muduuki kokora uvulariri vwa Nyasaye, kandi munyore via Nyasaye amulagaa.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Vahebraina 3:6

Navuzwa Kristo aveeye musuuvirifu kuli Mwana ulindi mu inyumba ya Nyasaye. Kunyi koveeye inyumba yeeye, niiva kulava nuvuluviliri kandi niiva kulava ni lisuuvira mu cha kwasuuvirizwa.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.

Vahebraina 6:12

Kunangwa sikwenyaa munyi muve vagata, navuzwa muve kuli yavo avasuuviraa kandi vaveeye viikuziri, kandi ndio vanyoore yivio via Nyasaye amali kusuuviriza.

Vahebraina 6:15

Aburahamu yaali mwikuziri, kandi ndio yanyoora icha Nyasaye yamusuuviriza.

Yakobo 5:7

Kunangwa avaamitu vange, muve aviikuziri kuduuka liza liu Mwami. Heenzi kuli umulimi alindiliraa mu liekuzira, ivitagwa vivie viduuki kwama amakuyu amalahi. Alindiliraa nu vwikuziri imbura yu kutanga kandi yinyima.

1 Petro 4:13

Nitali musangare kulwo kuva avasangi mu vusaliri vwa Kristo kunangwa muduuki kwizura uvusangari kuvita kegero, lwu uvukumi vwivwe vu liloreka.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

2 Petro 1:6

kulimanya lienyu, mumeede ku ilielinda; ku lielinda lienyu mumeede ku liekuzira; na kuliekuzira lienyu, mumeede ku vunyasaye;

Likunula 13:10

Mundu wenyaa kugumirwa, alagumirwa. Mundu wenyaa kwitwa nikivavi kuduuka yitwi ni kivavi. Yili nililangwa liu kwikuzira kandi liu kusuuvira kolovega lwa vandu va Nyasaye.