Varumi 12:11 - KITABU KITAKATIFU

¹¹ Mutava vagata, navuzwa muyinziri vudinyu. Mutumikiri Mwami numwoyo gwinyu gwosi.

Varumi 12:11 ပူးပေါင်းရင်းမြစ်များ

Kutwula 5:17

Mwami yavativulira, “Munyi muveeye avagata na simwenya kokora miyinzi mba, na nicho kigira nimundeva muleke muzie kuhaanira Yahova ivisiuviliru.

Tsing'ano 10:26

Utaleka mundu mugata akokolere kindu mba, alakunyangiza kuli isiki kuminu googo anoho umwoki mu zimoni zizio.

Tsing'ano 13:4

Mundu mugata niyenya kindu si alakenyoola mba, navuzwa mundu mugulu alanyoola choosi chayenyaa.

Tsing'ano 18:9

Mundu mugata aveeye mudamanu kuli mundu udiviza.

Tsing'ano 22:29

Ololaa mundu oveeye nu vusiza ku miyinzi jije milahi? Uyu alatumika imbiri wu mwami, kandi si alatumika imbiri wa vandu vataduukanaa mba.

Tsing'ano 31:15

Avukaa nivutaacha nokolombera avinyumba yeeye chukulia kandi kovoolera vayinziri veve vikikali chokokola.

Kohelethu 9:10

Uyinziri vudinyu miyinzi josi jokolaa kigira si kilakave ho ne kekolwa, zing'anagani, limanya kandi vogeri mu kivala cha vakuzu mba. Wene yeyo ni yio wa uzizaa.

Isaya 56:10

Aviimiliri vosi, avaadukana viiganihize avandu vange, vaveeye avavoku! Sivamanyi kindu kali hakuzu mba. Vaveeye kuli zimbwa zidimbidi, izitalokaa. Vagona hasi vuzwa nokoloota maloto. Vayaanza kogona zindoolo!

Matayo 24:12

Kigira vuchamu vulamedeka, kandi uvuyanzi vwa vanyingi vulageha.

Matayo 25:26

“Mwami weve yamutivulira, ‘Ivi umutumikiri mudamanu kandi mugata! Wamanya inzi ngesaa aha ndaavura kutaga, kandi mbungizaa aha ndaavura kusalanyia uvuguza.

Vikolwa 18:25

Yaali niyigizwa amakuva gu Mwami Yeso; yaali nu vugulu mu lilwaza ni yigiza amakuva ga Yeso vulahi kali niiva yaali niyamanya libatiza lia Yohana lienyine.

Vikolwa 20:19

Mumanyi kuli ndatumikira Mwami ni liegehiza liosi, na maliga goosi ndakora miyinzi jange kuli mutumwa wumwami mu ing'inga yu vudinyu vunyingi uvwangwira kigira vuhimwa vwa Vayuda.

1 Vakorintho 7:22

Uyu walangwa nu Mwami naveeye mutugwa, aveeye muvoholore mu Mwami. Munzira ndala nzere, umundu walangwa naveeye muvoholore, aveeye umutugwa wa Kristo.

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

Vakolosai 4:1

Munyi avami, muhaane ku avatugwa vinyu viu vulungi kandi viduukanu. Mwizurizi kumanya ndi munyi kandi muveeye nu Mwami mwigulu.

Vahebraina 12:28

Kunangwa, gendi kusandizi kigira konyoora uvwami vutanyala kodengeyizwa. Gendi kusandizi ma kusigamiri Nyasaye munzira yu ku muyaanziza, niliegehiza nuvuti ligali,

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 4:8

Kuvita vindu viosi muyaanzane ligali aveene naveene, kigira uvuyanzi vukunikaa uvwoni uvunyingi.

Likunula 2:4

“Navuzwa yaga nigo gandolaa madamanu ku ivi: Siunyaanza kalunu kuli wanyanzaa mu litanga mba.