Varumi 11:7 - KITABU KITAKATIFU

⁷ Kunangwa ni kindiki? Avandu va Isiraeli sivamanya nivanyoora cha venya mba. Na vandu vakekeeke vuzwa ava Nyasaye yatovola avakenyoola; avatigara vosi vamanya nivagwa zidimbidi ku lilangwa lia Nyasaye.

Varumi 11:7 ပူးပေါင်းရင်းမြစ်များ

Tsing'ano 1:28

Maku mulakanzaniri, navuzwa si ndakamutivuliri mba. Mulakanyenye havundu hoosi navuzwa si mulakanyoole mba.

Isaya 44:18

Avandu kuli yava vaveeye vasilu ligali kali sivanyala kumanya icha vakora mba. Vakunika zimoni ziavo kunangwa vavuli kolola; kandi vakunika zing'anagani ziavo kunangwa vavuli kumanyiriza.

Isaya 6:10

Maku yambolera, “Lomba zing'anagani zia vandu yava kuluha, hanyia amatu gaavo, kandi vakuliza zimoni ziavo, kunangwa vavuli kolola, anoho kuhulira kinga kumanyiriza. Niiva vakakoli ndio, vakagirungani kuuza ku inzi ma vahonywe.”

Marko 6:52

kigira sivamanyiriza kuli gakolekaa lwa Yeso yalihiza avandu izielefu zitano mba; iziganagani ziavo ziali nu vudinyu kumanyiriza agiligali ge kelolekizu yiki.

Luka 13:24

“Mukore zinguru kwingira mukiliango keng'erere; kigira avandu vanyingi valageriza kwingira mu Vwami vwa Nyasaye navuzwa sivalinyala mba.

Yohana 12:40

“Nyasaye umali kuvakuliza zimoni ziavo; kandi umali kudinyia mioyo jaavo gase valalola ni zimoni ziavo kandi vamanye ni mioyo jaavo, ma viganire, nainzi nduuki kuvahonyie.”

Varumi 10:3

Sivamanya kuli Nyasaye akolaa vandu kuva valungi imbiri weve mba, kandi vamali kogerizaa kwiyumbakira uvulungi liiva liavo veene. Nandio sivihaana vene kuliiva lia Nyasaye liu kulungikiza vandu mba.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 11:5

Kunangwa nindio kandi gaveeye ing'inga ya kalunu. Vaveeye ho vandu vakekeeke avatigaye ava Nyasaye amali kotovola kigira zimbavasi zizie.

Varumi 3:9

Kunangwa kovoole ki'? Avayuda koveeye valahi kuvita vandu Avizihiiri? Awa, Sigaveeye ndio mba! Inzi mali kumanyia kutura mu litanga ndi Avayuda na vandu Avizihiiri, vosi harara vaveeye voni.

Varumi 6:15

Kunangwa kovoole ki? Kokole uvwoni kigira si koveeye mu Lilaga, navuzwa mu zimbavasi zia Nyasaye? Sigaveeye ndio mba!

Varumi 9:18

Kunangwa gaveeye havulavu ndi Nyasaye aveeye nizimbavasi ku woosi wayanza koveera zimbavasi, kandi wayaanza ave ni kirage amukolaa ave ni kirage.

Varumi 9:23

Yenya kandi kuvuula vukumi vwivwe vunyingi vwaviikwa ku kunyi avakoveeye viju viu vukumi vwivwe, yavo avavetegekiza vanyoore vukumi vwivwe.

1 Vakorintho 10:19

Maku nyara kuva nimbora ndi, kifananyi kinyala kuva Nyasaye wa giligali? Anoho chukulia kihanwa ku kifananyi kinyala kuva kisiuviriru cha giligali?

2 Vakorintho 3:14

Zing'anagani ziavo ziasiluhalizwa ligali; kandi kuduuka kalunu zing'anagani ziavo ziafuumwa ni kitambaya kilala chere lwa vasoma vitabu vie lilagaa likulu. Kitambaya zana yicho kitulizwa ho vuzwa lwu mundu ahambanywa na Kristo.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafeso 4:18

avovogeri ni limanya liavo viveeye mu kisundi. Sivaveeye ni lisanga mu livamwoyo lia Nyasaye ahaanaa mba; kigira livula kumanya kandi kuva ni mioyo midinyu.

Vafilipi 1:18

Sigaveeye kindu mba! Inzi mbeeye nu uvuyanzi kigira yaga niiva Kristo anyala kwilwazwa mu liiva liosi lienyekaa kali nigava gaturaa ku vugadi anoho ku vulungi. Ndazizagilira kandi kusangara,

Vahebraina 12:17

Lwinyima, kuli mumanyi yenya konyoora uvugasu zana kutura ku baba weve, navuzwa yasuulwa, kigira siyaali unyala konyoora vwiyangu vwu kwiganira nukugirung'anyia aga yakola mba, kali niiva yenya uvugasu yivwo namaliga.

1 Petro 1:2

Mwatovolwa kolondekana kulienya lia Nyasaye Baba, kandi ni mutakaswa na Roho weve kutia Yeso Kristo kandi nimwogizwa na masahi geege. Zimbavasi ni mirembe vive ku munyi ligali.